Leitlun ih ram 40 luan in May thla ih a Zarhhnihnak Zarhpi ni cu Nu ni an tuah ih an hmang cu mi ah Pope Leo XIV khal in Nu pawl zate hrangah a hleice in thla za a camnsak ih thucahnak khal a rak nei.
Pope Leo XIV in St.Peter tualrawn ah Regina Coeli thlacamnak theh ih thu a cahnak ah “Jesuh ih Nu a si mi Maria ih thlacam saknak thawngin a hleice in harsat nak pawl lakih a um tu nu pawl zate hrangah duhdawtnak le lungawinak thinlung thawn thlacam sak dingah a rak sawm.
Pope Leo XIV khal in Tawadros II ih hoha mi Coptic Orthodox Church hnen unau duhdawtnak thawn cibai buknak ttongkam ca thawn a rak kuat. Cui hleiah “kumtin May 10 ih tuah mi ‘Coptic-Catholic Friendship Day’kha tuah a si thu” mangsal in a rak sim.
Pope Leo XIV in “Tawadros II hnen unau duhdawtnak thawn cibaibuknak ttongkam ca in a rak kuat ih duhdawt mi Coptic Church zate hrangah khal thla ka lo cam sak a si. Khrih in kan mah pawl cu “ka rual ti ih in kawh vekin, kan rualawknak lampi cu Khrih sungah a famkim mi rualremnak ah ruahsan hram she” tiah pehbet in a rak sim.
Pope Leo XIV in Canary Islands mi pawl ih khualthatnak le an mi tuamhlawm thiamnak le an mi cohlan thiamnak thinlung pawl khal a lungawi thu a rak sim.
Canary Islands cu hantavirus mina pawl tel in a ra mi “Hondius Cruise Ship” ih khualtlawng tu pawl an rak cohlan thu Pope Leo in mangsal in a rak sim. Cuihlei ah a ralai ding mi thla sungah Tikulh pawl ah ka tlawng nak ding lamtluan ah nan mah pawl thawn kan tongaw thei ding ruangah ka lungawi ti khal in a rak sim.
Pope Leo XIV in June 6-12 tiang Spain ih a Tuukhal khualtlawnnak nei dingah a si ih a khualtlawn nak ih nineta bik nihnih kha Tenerife le Gran Canaria Tikulh pawl ah caan a hmang ding asi. Cui hmunah mivai pawl le cu mi pawl bawmnak a pe tu pawlkom pawl tonnak a nei ding a si. Hi mi thuthang cu Vatican thuthangin kan ngan mi a si.
