Angola ramah nunphung le ramkhel ruangih harsatnak pawl ton rero laiah Archbishop Gabriel Mbilingi in Puithiam thar 18 pawl hnen “ruahsannak kilhimtu le rualremsalnak ih hmanrua pawl” tiah a rak ko ih Lubango Archbishop Gabriel Mbilingi cu Sepber 20 ni Mapunda ih um Our Lady of La Salette biakkhenak hmun ih tuah mi Puithiam ordination Missa raithawinak ah thuthangtha a simnak ih a rak sim mi a si.

Cu mi biak khawmnak ah Missionaries of Our Lady of La Salette (MS) pawlkom in tel mi 17 le Lubango diocese im pakhat , Puithiam 18 kha Puithiam cannak a rak pe.

Bishop Mbilingi in Puithiam thar pawl hnen Angola ramah farah harsatnak, zonzaih harsatnk le nunphung lam ih harsatnak pawl a tongtu pawl thawn naite in um pi dingah a rak forhfial.

Hi mi Puiyhiam riantuannak cu minung pawl kha rian dingah a si.

Puithiam pawl cu a lo ko tu ih milai pawl hrangah Khrih, Lubikih aiah riantuan dingah a si” tiah bishop in Eucharistic puai tuahnak sungah a thar ih pek mi Puithiam pawl hnen ralrinnak a rak pe.

Cuihleiah minung pakhat ciar ih sinak kha hnon a si rero ih mifarah pawl ih au aw kha leilungpi ih phunzainak thawn a rawi aw mi ram ram khatah Puithiam thar din hmun in Khrih Sacrament thawn pehpar mi umnak si dingah khal Bishop in a rak forhfial.

Hngilh a tuar mi nunphung kiangkap hnen a hla mi khultlawnnak ah feh dulingah Bishop in Puithiam dinhmun in nan nih khal mipi sungin hril mi nan si ih mipi pawl rian dingah thlah nak a ngah mi riantuan tu dinhmun in hmu thiam dingJ a rak sim.

Ahleice in harsatnak pawl a tongtu pawl, thanau pawl le harsatnak tuartubpawl kha a hleice in ngaihsak in rian dingah a rak forhfial.

Hi mi thuthang cu Shalom world news in kan ngan mi a si.