Pope Leo XIV in “Gaudium et spes” thu pehbet in a zirh nak ah leilungpi ih minung pawl ih tuahnak pawl ih a san thawn pehpar kha thupit in ret dingah a rak sim fiang.
Pope in Gaudium et spes cu minung pawl ih thiamnak pawl thangso dingah le Pathian ih bomnak pawl thawn unkhat in ” a tha deuh mi hmailam pakaht din thei dingah ” theihnak le thiam hleice mi sang zem dingah a rak sawm thu a sim.
Vatican II’s Pastoral Constitution ih Gaudium et spes” cu a tui mipi a ton caan ah pehbet in zirh mi thuhla a si.
Cui thuhla ah ” Leilungpi ah minung pawlih tuahnak pawl ih man cu ziang a si” ti mi thu hram kha rel tlnga si. September 23 ni Tlawngkai nithum ni mipi a ton caan ah Pope in ” minung cu thansomak ih a thupi bik tuahser tu a si tiah fiang zet in a rak sim.
Minung pawl cu mai zalennak le thuak thawn minung pawlkom kha thangso dingin an tuah tiah a rak sim. Minung pawl cu Pathian ih tumtah mi ah kom in an tel ih Seciens le tecnology thansonak pawl ruangah Pathian le minung pawl ih pehthlaih awknak tha a mal ti ruahnak santhar hmuhnak kha Pope in a rak sawh khih.
Christian pawl dunglam ah minung a laifannak ruahnak ah minung le Pathian kha palh zetin ralaw dinhmun in an lang ter.
Minung pawl cu an mai theihnak, zalennak le rhansonak pawl kha fiangzetin an lang ter duh a sile Pathian hnen in an laut ding a tul tiah an ruat tin a rak sim.
Gaudium et spes ah Christian pawl cu an mai hnatuan nak in sersiamtu ih hnatuan kha pehbet in an tiah tiah dik zetin zum a si thu an lang ter.
Cuihleibah an mai hna le zuamnak pawl in midang pawl ih thatnk hrang an tuah ih thuanthu ah Pathian tumtah mi langsar ter dingah an tel tiah a ti.
Pope in Pathian cu minung pawlih kut sungah sersiam mi leitlun kha an ap ihbcui leitlun cu a thangso rero lai ruangah minung pawl cu fimnak thaen an fam kim dingin an tuah ding tiah a rak sim. Nitin hnatuan nak khal Pathian ih kawhnak a si, minung a cannak ih a thuk mi thil thawn pehpar in Pope in Pathian thawn tonawknak ruangah umnak cu a hlo tinak silo in siatsuah tiar nak um lo in Khrih ah zalen ih thatho mi milai in pehbet in a um tiah a rak sim.
Curuangah Pathian thawn tongaw dingah minung pakhat cu a mai leilungih kawh nak le nitin tuanvo pawl kha tanta dingah a tul lo.
Amai nitin hnatuan kha rin um zetin tuannak le cui hnatuan kha thianhlim ternal in a mai lawhnak kha famkim zetin a nung thei tiah a rak sim.
Khrihtian pawl cu midang vekin “city of man” kha din dingah han an tuan cio.
Cu mi cu Pathian ram dinnak le thleidang in hmu thei ding a si ko nan minung pawlkom thangso dingih tuahnak cu Pathian ram hrangah a thupit mi thil a si tiah Vaticm IIs in a ngamhnget thu a rak sim bet.
Thansonak cu duhdawtnakin lam hmuh mi a si ding.
Netabikah Pope Leo in a an mi minung thansonak si dingah tecnology le seciens thawn pehpar mi thansonak pawl cu duhdawtnak thawn lam hmuh nak a si ding tiah thupit in arak sim.
Cuti vek a si lawngah cetlam thilri le သိပ္ပံ lam thansonak pawl kha minungih sinak hrang that hnemnak ah hman a theih dingih mitin ih umdan pawl khal tamdeuh in a tha ter dingih a hleice in tha a mal mi pawl ih nun ram kha a khaisang thei ding a si.
Vatican II Council cu ” minung pakhat ciar le miphum phun kim in an mai thiamnak pawl thangso ter thei dingah theihnak lam fimnak le tuah thiam nakih Sang zem dingah cuihnu ah Pathian ih bomnak in a zaten hmun khat in a tha deuh mi hmai lam din dingah sawm an si thu Pope in a netnak ah a rak sim.
Hi mi thuthang cu Vatican thuthangin a remcang ding zawngin kan ngan mi a si
