RVA Falam Service/ Septembet 20, 2026
Vatican khuapi ah Zarhpi ni Agelus thlacamnak tuah laiah Pope in Sabit hmuan sungih hnatuan tu pawl thu Jesuh Khrih ih tahthimnak nak a sim ih Pathian ih thil ti daan pawl cu kan mai thil ti daan thawn a bang awk thu, Pathian ruahnak pawl cu kan mai ruahnak hnakin a let in a tumlian thu mangbangza in a rak sim. cun
Pathian ih ruahnak pawl cu a let in a tum. Cuihlei ah sualnak ruangih siatsuah mi kan mah minung pawl in kan ruah thei a silole langsar dingin kan tuah thei nak hnakih tamdeuh in ” minung sinak a si deuh tiah Pope in arak sim.
Pope Zarhpi ni St.Peter tualrawn ih a khawmtu zumtu pawl hnen ah hitin tha pek nak a rak nei.
Pathian ih ruahnak cu kan mai ruahnak hnakin a tum.
Pope in Prophet Isaiah ih ttongkam thawn Pathian in kan hnen ah ruahsannak tumpi in pek thu a rak sim sal.
Pathian ” nan ruahnak cu ka ruahnak a si lo, nan mai lamzin cu ka lamzin a si lo’ tiah a rak sim.
Curuangah Prophet in mai a sual mi tidaan pawl hlonin zaangfahnak le ngaidamnak a nei mi Pathian hnen ah ra kir sal dingih ” kawhnak cu tuisan ah a tulih a thupit thu Pope in a rak sim.
Pathian ih kan hrangih in tuahsak mi Cathianghlim ih Jesuh ih tahthimnak pawl cu Pathian ih kan hrangih arcia mi a thar mi pawl in sim vekin tamdeuh ih terh siang mi thudik le a tum deuh mi duhdawtnak cohlang dingah kan mai a mahten a cang theu mi lehrulhnak pawl khal a lang ter thu Pope in a rak sim. Mihrek cun sunvu hna an tuah ih a hrek cu caan malte sung hna an tuan. Mihrek cun nithlak zik zawngah an thok. Asinan tahthimank sungah Sabit hmuan neitu cun netabik ih tuan tu pawl cu sunvu a tuantu pawl thawn bangawk in laksawng a rak pek.
Cuihlei ah netabik ra tu pawl sungih thok in “netabik a ratu tiang tuan man pe dingah hnatuan tu pawl hnen a rak cah.
Pathian ih thatnak le zaangfahnak cu minung malte hrang lawngah a silo ih mitin hrangah a si thu khal a rak sim.
Mah le mah kha a hmaisabik tiah a ti awtu pawl le mai ngah mi pawl cu mai zuamnak ruangah hlawk zetih ngah a si tiah a zumtu pawl khal hrang khal ah Patbian cu a bang lo mi tidaan pawl le a thar mi ruahnak pawl a neih thu Pope in a rak sim.
Hi mi thuthang cu Vatican tbuthang in a tawizawngin kan ngan mia si.
