RVA Falam Service/ September 17, 2026
Pope Leo XIV cu Gaudium et spes thuhla pehbet in a zirh mi ah minung pawl khat le khat pehpar awknak kha namhnget nak cu tuisan nunphung le ramkhel timtuahnak pawl kha ” minung pakhat ciar ih sinak” par hrambun in ruatsal dingah hniksaknak a si thu a rak sim. Tumtah mi cu a tha deuh mi leilungtlun pi din dingah a si.
Pope Leo XIV in zarhtin mipi a ton nak General Audience ah St.Peter tualrawn ih a ra khawm aw tu hnen Gaudium et spes (GS) pawlkom daan hrampithu pehbet in arak sim. Gaudium et spes ih hmun hnihnak ah ” minung pawlkom” thuhla kha thupit in a rak sawh khih.
Gaudium et spes ah “Santhar leilung pi ih a langsar mi langfiangnak sungah pakhat a si mi “minung pawl khat le khat tamdeuh ih pehthlaiawknak “kha a rak lang ter.
Asinan cui pehthlaiawknak karlakah komkhawm ih petlaihawknak ah a thuk mi dinhmunah a ngaingai in atul thu Pope in a rak sim.
Cutin si dingah minung pakhat ciar ih thlarau lam sinak famkim khat le khat upatnak um dingah a thupi.
Minung ai ah Algorithm pawl risannak, tuisan ah Gaudium et spes ih cui phun hnih cu tamdeuh in a thupit thu Pope in thupit in a rak sim.
Cetlam ti daan thansonak, Mass Media le Social Media pawl karhzainak, Artificial Intelligence (AI) kha tam deuh ih hmannak pawl cu khat lam ah cun thilti theinak thar pawl a suah ter ih donkhamnak pawl a malter, minung karlak danawknak pawl a kom aw ter thei a si. Asinan a dang lehlam ah cun thansonak pawl ruangah minung hmaiton ih hmuhawk a mal ih online par lawngah tamdeuh ih pehtlaih awk nak a cang ter.
Cuitlunah minung pawl ih mai thil ruah thiam theinak le theih thiam theinak lawngin thubawhcat nak thuhla pawl khal ah Algorithm pawl rinsan a si thei ruangah tih a nun thu Pope in ralrinnak a rak pe.
Pehthlaihawknak pawl ah a ngaingai in san a nei ih minung hmaiton ah thuk zet ih pehthlaihnal um dingih zuamnak cu khrihtian pawl kiangkap ih pek tul mi a thupi mi bomnak pakhat a si” tiah Pope in arak sim.
Mitin cu innsang pakhat lawng ih sungtel vekin a si a tul ih khat le khat unau suak khat vekin peh tlaihawk a that thu khal a rak sim.
Curuangah “Pathian le inn hnen duhnak cu a hmaisabik le a tumbik mi thukham a si ih duhdawtnak cu Khrih ah a famkim mi langter nak le famkimnak kha ngah a si tiah arak sim.
Innsang khat , minung pakhat ciar ih famkim nak le minung pawlkom ih thansonak pawl cu khat le khat naiaw zetin a pehpar aw tiah Pope in a rak sim.
Cui mi pahnih ral aw dingih retnak lole dan nak cu a pahnih ih san khal a hlotwr thei thu ralrinnak a rak pe.
Thuanthu sung khalah cu mi pawl cu II Vatican Council ih pa pawl in pawlkom zate ih a thupi mi thuhla le tumtahnak cu minung a si a tul tiah arak sim.
Hi mi thuthang cu Vatican thuthangin a tawizawngin kan ngan mia si.
