Pope Leo XIV in Puithiam thar sinak a pe ih midang hrangah that hnemnak a petu si dingah a rak sawm.(April 26, 2026)
Pope Leo XIV in zarhpi ni ah St.Peter Basilica ih Missa raithawinak ah Puithiam thar minung pahra a rak khaisang. Cui ni cu Pawlpi ih Vacation hrang thlacamnak ni khal asi.
April 26, 2026 Missa raithawinak ah Pope Leo XIV in Gospel thuthangtha John thawn pehpar in a rak sim. “kei cu minung pawl nunnak famkim ngah ter dingah ka ra” ti mi ttongfang kha a rak sim. Puithiam ih khaisan a si mi pawl duhsaknak in hi thukam nak cu tui ni tiang a nung lai thu hminsinnak ah a rak sim.
Pope Leo XIV in Puithiam nunram cu “minung thawi rualremnak riantuan nak” tiah a rak langter. Pope in Khrih thawi nai zet ih pehthlaihnak in minung pawl hlat ternak silo in mitin thawn a nai aw ter tiah a rak sim. “Khrih thawi nan pehtlaihnak a thuk deuhdeuh le minung pawl le nan mai pehtlaihnak khal tamdeuh in a khoh ding asi” tiah a rak sim.
Pope Leo XIV in celibacy (innsang nei lo ih nunram zaten Pathian hrang apnak) khal a rak sim. Pope in hi Puithiam nunram cu innsang nei mi nunram thawn a rak thahthim ih hi duhdawtnak khal a tikcu a rei vivo cun kilvennak, thar ter salnak thawn tuanvo laknak pawl khal a rak tul tiah a sim.
“Thudik sim dingah kan tih lo a tul”tiah a sim ih hi mi hi Puithiam nunram ah a thupi bik mi thenkhat a si tiah a rak sim. Pope in tuisan ah humhimnak in tihphannak, theidannak le ralawknak pawl a cangter thei thu ralrinnak a rak pe. Cu mi ai in Puithiam thar pawl hnenah Puithiam pawl cu an mai tuanvo lole sinak parah si lo in Khrih hnen lawngah mai hmun hngetnak hawl dingah thazaang a rak pe.
Pope in pehbet in a sim mi cu Puithiam pawl a thlah tu community pawl cu a luat phun silo in cangvaihnak um lo nak hmun pawl silo in a thosal mi Khrih ih umnak in ngamhnget cia mi an sithu thupit in a rak sim. “cui Community in nan mah khal mithianghlim si dingah a lo bawm ding” tiah a rak sim. Cuitlunah Puithiam thar pawl hnen minung pawl lungrual dingah, hmun khat te sinak tha pe dingah tha a rak pe ih mi pakhat ciar in Community ih nunram ih man kha tep theinak hmun pawl din dingah tharthawh in a rak sim.
A thusimnak ah Jesuh in amah le amah kha luhnak Sangka pi tiah a rak thim aw. Pope in cu mi cu Jerusalem khuapi ih a rak cang mi thuanthu thawn pehpar mi thu khal a rak sim. Hi mi thu hi Baptism le Pawlpi ih nunram sungah lut in a peh par awk thu a rak sim.
Zumnak a naihniam duhtu pawl ih lamtluanah donkhamnak pawl ret lo ding khal ah ralrinnak a rak pe. Pope in “Hi Sangka pi kha khar hlah aw” tiah a sim ih Pawlpi cu minung zate hrangah luh a olnak dingah Puithiam pawl hnen a rak forh. Cuihnu ah Pope in Puithiam pawl cu luhnak kha lai a tek mi “Sangka kiltu” si lo dingah “a check tu silo in lamhmuh tu si dingah thupit in a rak sim. Tuisanah minung pawl cu Biakinn thawn hla awk zet in a um tu pawl dinhmun ah Sangka kha ong cia dingah le mipi pawl kha hmuaknak lawng silo in a lenglam khal ah suak in mancia in um dingah tha a rak pe.
A thusimnak a cem zawngah Pope in Puithiam sinak a ngahtu pawl hnen nunphung le nitin nunram tel in a kau mi leitlun pi thawn pehpar dingah tha a rak pe. Veikhat veihnih cu a fiangfai lo mi dinhmun ah ruahawk caan tla a um men ding nan “Tuukhal tha” cu lamtluanah mi a hmuh thu ralrinnak a rak pe.
Pope Leo in a cemnakah Khrih in zumnak tetti in rak hmuh zo ih Psalm 23 ih thu kha mangsal in cui zumnak kha Puithiam thar pawl ih tuanvo ah keng cio dingah a rak forhfial. Hi mi thuthang cu Vatican thuthang in a tawizawng le arem thei bik dingih kan ngan mi asi.
