Pope Leo XIV in Vatican Observatory pawl hnen ih thu a simnak ah Pawlpi in science cu a pom ih sersiam mi leitlun hi zohhliahnak in Pathian kha tamdeuh in kan thei thei tiah a rak sim.(May 11, 2026)
Pope Leo XIV in Vatican Observatory Foundation thawn an tonawknak ah Pawlpi in Sersiam mi leitlun ah Pathian hawl duhnak thinlung kha a rak lungkim ih a rak ngamhnget. Pope in a hman ih a tlaitluang mi Science hmannak in sersiam mi kha tamdeuh in theih thiam a ol thu thupit in a rak sim.
A sim mi ah Pope Leo in 1891 kum ah Science fimthiamnak cu biaknak lam thawn zuamawk dinhmun in a um lai caan ah Pope Leo XIII in Vatican Observatory kha a rak din thu mangsal in a rak sim.
Kum zabi 19 lai ih Pope in hi Pawlkom a rak dinnak ih tumtah mi cu “ mitin in Pawlpi le a mai biaknak lam hruaitu cu a hman ih a dik mi Science fimthiamnak kha minung lam ih Science siseh, Pathian thawn pehpar mi Science siseh, dodal tu si lo in tha a pek thu le thate in thanso ter a duh thu fiangzet ih hmu thei dingah a si” tiah a rak sim.
Leitlunah minung tampi cu science fimnak le Pawlpi ih zirh mi kha fiangten cohlang thei lo in an um” tiah a rak sim. Kanmah pawl cu leitlungpi kilhim dingah le hi leilung par ih a umtu pawl ih thatnak hrang a hleice in thanau tu pawl hrangah thukzet in tuanvo kan neih thu science le Pawlpi in fiangzet in a zirh. Hi leilung ih umtu pawl ih nunnak pawl cu minung le kiangkap pawl kha zawnruahnak nei lo ih mai hlawknak lawng an tuah ruangah tihnungza din hmun ah thlen a si” ti khal in pehbet in a rak sim. Hi mi thuthang cu Vatican thuthangin kan a tawizawngin kan ngan mi si.
