Pope Leo XIV lam ih lungkimpi tu leitlun ah karh. (April 17, 2026) Friday
Pope Leo XIV cu Donald Trum ih nasa zetih donak a tongko nan leitlun hmuntin ih mi pawl ih lungkim pi nak a tam sinsin. Cu mi sungah a netabik lungkim pi tu pakhat cu the Chosen -fame American actor Jonathan Roumie a si.
Jesuh Khrih dinhmun in The Chosen ti mi zungnung movie sungih American actor lemcang thiam mi Jonathan Roumie cu Pope Leo lam ah a lungkim pi thu a mai Instagram ah ngan in a rak langter.
A mah in a Intagram ah “rampi in a mai mipi pawl a humhim ding tuanvo a nei vekin a humhim khal a tul, asinan sualneilo mipi pawl a hleice in nunau pawl le nauhak pawl an thih tikah kan thinlung in Pope Leo XIV ih remdaihnak sawmnak thawn ding dingah kan thinlung sungah a um. Cuvek caan khalah doawknak cem lole cawl dingah thlacamnak khukbil phah in thla kan cam theu tiah a rak ngan.
Cuihlei ah Jonathan Roumie in Gospel thuthangtha asi mi Matthew sungih Jesuh ttongkam kha a sim ih “ remdaihnak a tuah tu pawl cu mi thlawsuah an si, ziangah tile an mah pawl cu Pathian ih fale tiah kawh an si ding” tiah a rak lang ter.
Amah in Khrih a zumtu zaten Khrih ih zirh mi pawl thlun dingah a rak sawm ih cuilam zin cu a fiak ih a harko nan thlun a tul thu sawhkhih in a rak sim.
Anetnak ah a mah in a maizumnak kha a rak hngamhnget ih “a dik ngai ngai mi thutak cu Khrih in thuneihnak a nei ringring ih a hlan le nehhnu khal ah a nei ringring ding a si. Cuihlei ah a mai nehnak cu kumkhua si” tiah a rak ngan. Hi mi cu Shalom world news in kan ngan mi asi.
