RVA Falam Service/ November 11, 2026
Argentina ram ih khuapi a si mi Buenos Aires ah mino million khat tel in zanvar thlacamnak caanserh (Prayer Vigil) ah Pope Leo in mino pawl hnen thlacamnak ihsin naih niam sal dingah a rak sawm.
Pathian ih thianhlimnak kha lehrul dingah ziang tik lai caan khalah a tlai ti a um dah lo thu khal a rak sim.
Pathian a mah lawng biaknak.
Pope in Jeremiah ih sim mibBabilon ramah zuklem biak dingah a rak el ruangah meisa al par ih thlak mi mino pathuam thu kha ruat sal in a rak sim.
Babilon siangpahrang ih thupek vekin mipi pawl an lu an kuun laiah cui mino patbuam cun mipi lakah langsar zetin an um thu Pope in arak sim. An mah pawl cun an zumnak tan dingah an el ih Pathian lawngin thin nuamnak a pek thei thu an rak zum.
Cu ti ih an leh rulhnak cu ziangzatin luatnak an hmu.
An mah a ngak tu cawhkuannak an thei cia ko nan a hman mi thin nuamnak kha Patbian hnen lawngin an hmuh thei thu ” Pope in a rak sim.
Tuisan khal ah a tha lo mi zuk pawl le mi a hip thei mi rit theih thil pawl ih saal ih thleng dingah sualforhnak pawl thawn ton a si rero thu Pope in ralrinnak a rak pe.
Tuisan khal ah kan ni khal biak dingah zuk l phun kim a suak a si. Ziangtivek zawng khal ih hlawhtlinnak ngah duhnak, sumpai a lenglam ih duhtuknak , mitampi in thapeknak ngah duhnak le laitek um lo in nuamnak dungih thlunnak pawl an si.
Nunnak a pe thei lo mi ziang thil khal biak hlah uh.
Nan tluk siat a si khal le tbosal uh. Pathian in nan hnan iha pek mi zalennak kha ziangthil, zo khal ih lak khal siang hlah uh” tiah a rak forhfial.
Khrih hnen kir sal dingah ziangtik hman a tli ti a um lo.
Cuihnuah Pope in Khrih ih dungthluntu dinhmun in nun ih duuhsan kha a rak sim ih ” mitin in Khrih hnenah, mitin in Khrih thawn, mitin Khrih vekin ” ti mi thu hla thupit in arak sim.
Mi pakhat cu rei pi thlacam lo in siseh, Pawlpi thawn hlapi in um tu si seh, mai nunram ah harsatnak ah a tla ih a sawnti dinhmun ih a um khal le Pawlpi hnen ah ra sal in a naih thei thu a rak sim.
“Ziangveik dinhmun na si khal ah siseh, ziangvek sualnak n tuah dah khal h siseh, Jesuh Khrih in nang cu a lo thei ringring a si. Jesuh in a lo duh ih a mah thawn naite in um dingah a lo duh a si” tiah a rak sim.
Pathian ih kawhnak kh rulsal dingah ziangtik lai caan hman ah a tlai ti a um lo thu, Khrih ih kai tho thei lo din hmun tiang a tlu mi zo hman an um lo thu khal Pope in a rak sim.
Khrih ih duhdawtnak cu kan mai sualnak ih tawnhremnak insin a luat ter.
Hnatuannak, fimthiamnak le nitin nunram khal in thianhlimnak lamzim feh dingih lamzin a si.
Thlacamnak caanserh sungah Pope in mino hrek khat pawl ih tetti khannak pawl a ngai sak ih an thusuhnak pawl khal a rak sangih a let.
Beidon thanau nak pawl le mai laitek mi pawl ziangtin lan thei ding ti mi thusuhnak a sannak ah St. Ignatius of Loyola ih ttongkam pakhat a rak telh.
Ziang hmuahhmuah cu mai parih a hngatawk vekin zuamnak thawn tuah uh.
Asinan a ngaingai ah cun ziang hmuahhmuah cu Pathian parah a um thu ngamhnget uh.
Hnatuannak ih man thawn pehpar ih thusuhnak a lehnak ah khal Pathian ih fapa Jesuh cu Lettama pakhata rak zir ih lettama dinhmun in hna a rak tuan thu a rak sawhkhih.
“Hna nan tun tikah siseh, fimnak nan zir tikah siseh, a silole rualpi pawl thawn tikcu nan hman tin ten duhdawtnak thawn tuanin cu mi hmuahhmuah cu Pathian hnenah ap aw uh.
Hi tivekin nan mai hnatuannak khal thlacamnak le thianhlimnak lamzin fehnak lamzin pakhat ah a cang ding” tiah Pope in a rak sim.
Himi thuthang cu Vatican News in a tawizawng in kan ngan mi a si.
