RVA Falam Service/ November 12, 2026

Agentina ram Córdoba khuapi ih Puithiam pawl le thukam pathum a latu Sister pawl, Brother pawl le biaknak lam ih riantuantu pawl a tinnak ah Pope in Khrih a lo kawh hmaisa biknak kha rin um zetin let sal dingah, farah harsa tu pawl hnen tam deuh in thupit dingah le harsatnak phunkim lakah khal zuamnak thawn pehbet in tuan dingah a rak sim.

Mai khawhnak ngahnak ih thukzia ah tlen salnak

Pope in St. Ignatius ih thlarau lam tuahnak hram bun in “kanmah pawl hi hmun ih kan um nak ih thuhla cu ziang a si” timi thusuhnak kha mah le mah sut aw sal dingah a rak forh fial.

Pawlpi riantuannak ruangah vei khat khat thlacamnak le Pathian thawn nelaw zetih umnak pawl khal ai a awh thei thu khal ralrinnak a rak pe.

Kan mah pawl cu Pathian hrangah hna tam zet kan tuan ko nan Bawipa thawi tikcu hman tlang nak cu a mal vivo” tiah a rak sim ih Bawipai thi le sa, Pathian ih tongkam le mahte thlacamnak pawl kha a thar in thupit dingah a rak forh fial.

Cuihlei ah pehbetin thleng awknak, tangdornak le Pathian ih kawhnak kha zalen zet ih lehrulhnak pawl ih thupit zia khal thupit in a rak sim.

Pathian ih kawhnak cu ruah cia lo mi hmun khal ah a kuat thei thu a rak sim.

Pawlpi hna a tuantu pawl dinhmun in mai nunram kha cekaw sal in  thlahnak ngahnak hmun pawl le mitampi parah thinlung on sak dingah a rak forh fial.

Farah harsa pawl thawn a nai aw mi Pawlpi si dingah

Farah harsa pawl ih an tuar mi a besia bik  thleidan ih pehtlaihnak cu thlarau lam ih kilvennak ngah lo nak a si.

Pawlpi cu minung lam zawnruahnak thawn pehpar mi pawlkom pakhat lawng a si thu, Khrih kha khawvel ah keng dingah kawhnak a ngah mi pawlkon an si thu a rak sim.

Himi thuthang cu Vatican News in kan ngah mi a si.

November 11, 2026

Crd/ Vatican News