Pope in Cameroonian thu neitu pawl hnen remdaihnak cohlangin nung dingah forhfial. (April 15, 2026)

Cameroon ram ah a mah a hmaisabik a Tuukhal kual tlawnnak caanserh sungah Pope Leo XIV in remdaihnak, thudik le mitam sawn hrangih thatnak ding ruatin tuah dingah a forhfial ih remdaihnak cu “ttongfang lawng si tangter lo dingah” tiah thupit in a rak sim.

Cameroon a fehnak lamtluan ah Pope Leo in lungawi sopar ten in rak hmuah ruangah ka lungawi tiah a rak ih Cameroon ram cu nunphung le kingkap mawinak thawn a khat ruangah Africa ram ih a fate mi zohthim tlak pungsan a si tiah a rak lang ter.

 Thurel tlangnak, unau duhdawtnak le remdaihnak ih tuukhal tha le lungrualnak ih riantuantu pakhat si nak a langter tu Pope Leo in a mai khual tlawnnak cu Cameroon miphun zate thawn nai zet in a um tlangnak langternak pakhat si dingah le minungtam thathnemnak dinnak ah thasuah in zuamsin dingah thapeknak pakhat si dingah thutahnak a neih thu a rak sim.

Pope Leo XIV in leitlun hmuntin ih minung pawl in an thanau thu a sim ih “ruahsannak neilo minung an tam vivo, mitampi in buainak phunzakip hmaiah thazaang neilo in an ruat aw” tiah a rak sim. Asinan Pope in thudik thu hman duhnak thinlung, a ral tha mi thubawhcat theinak thawn remdaihnak duhnak thinlung thawn a um tiah a rak sim. A hleice in mino pawl kha tamdeuh in a dik mi nunphung pawl kom dinnak ah thatho zet in tel dingah a rak sawm.

Pope Leo XIV in Holy See le Cameroon karlak ah thazang tamter dingah pehbet in a sim ih cui pawlkom awknak cu minung sinak le biaknak zalennak pawl upat nak parah hram a bun thu a rak sim.

St. Augustine of Hippo ih rak ttongdah mi pawl thawn a sim ih Pope Leo in thuneihnak cu a tlangpi ah cun tuannak pakhat a sithu upa pawl a rak sim. “Ramuk tu pawl cu thuneihnak duhnak ruangah silo in midang pawl parah tuanvo ka nei ti mi lungput thawn hnatuannak asi” tiah a rak sim.

Leilungpi in remdaihnak a tul, raldonak pawl tawk thlang seh’’ tiah a rak sim. Remdiahnak cu ttongfang lawngah silo in nitin nunram le pawlkom pawl ah tuah ngaingai ding a si tiah arak sim.

Pope Leo in remdaihnak ti mi cu mitin ih tuanvo a si ih ahleice in thuneitu pawl in an thawh a tul tiah a rak sim. Ram uknak ti mi cu “mipi pawl ih aw kha thaten ngai in an mai ruahnak peknak pawl kha upat a tul” tiah a rak sim bet.

Pope Leo in mipi pawlkom pawl a thu pi tiah a sim ih pawlkom pawl, mino le nunau pawlkom pawl, hnatuan tu pawlkom pawl, NGO pawl le biaknak lam hotu pawl a rak lawm. An mah pawl in khat le khat karlak ah rualremnak tuahnak, mivai pawl bomnak, thurel tlangnak khaisang nak pawl an tuah rero a si. Hi tivekih a hram ih sin an tuah thei ruangah buainak ih thuhram pawl kha an hawlsak thei ih remdaihnak nunphung pawl kha an thangso ter a si.

Mino pawl kha fimthiamnak, zirnak le sumdawnnak tuah thei dingih bawmnak in remdaihnak hrang a thupi mi hrilnak pakhat a si tiah a rak sim. Hi mi pawl in mino pawl ramlengih fehnak pawl a malter ih rit thei sii hmannak le a hman lo ih hmannak vekin nunphung buainak pawl khal a humhim thei. Pope Leo in Cameroon mino pawl cu thlarau lamah an thuk zet tiah a rak lawm. Hi mi hi thaten kan kilkhawi a siah cun remdaihnak, thudik thawn mahlemah bomnak hrangah thinlung thathonak a um thei a si tiah a rak sim bet.

Pope Leo XIV in minung sinak in lungrualnak khaisang dingah civil authorities (ram mipi pawl lakih sin thunei tu pawl) le ramtin pawlkom pawl thawn komkhawm in tuan ka duh tiah a rak sim.

A netnak ah Pope in Cameroon le a ram mi pawl Pathian in thlawsuah pe hram seh tiah thlaza ka cam. “Pathian in Cameroon ram kha thlawsuah pe hram sehla ram mi pawl khal Pathian ih ram cohlang thei dingah thatnak pe in thudik le lungrualnak a um mi hmailam kha hmunkhat in din tlang thei hram uh” tiah a rak sim. Hi mi thuthang cu Vatican thuthangin kan a tawizawng in kan ngan mi asi.