Pope Leo in Khrih ih ngaidamnak cu mi hmuahhmuah hnen ih sim ding hi Khristian hnatuan a si tin Angelus Thlacam nak ah misen pi pawl hnen ah a sim.
Pope Leo in St. Peter Square ih a rapumkhawm tu pawl hnen ah (Mt 9:36-10:8) sung ta thawn pehpar aw in a ruah mi thu a sim mi cu: “ Jesu cun a milai pawl a zoh tik ah: ziang tluk in an thinhar nak in an phur a rit ter ih, ziangsiar lo zet ih zomtaih nak an tuar mi in an tha a nau ter ti mi kha a hmu.” tin Pope in a sim. “Jesu cun, raldoawknak ruang ih hriamhma a tuar mi le leitlun in le ei thilri neihnak lam ih tlaksiat nak pawl khal a hmu. Sualsawmnak thilthalophunphun ruang ih innsang thenthek aw mi, a thalo mi ruah nak ruang ih lampeng ih a um/feh mi mino pawl khal a hmu theh” tin a sim.
Jesu cun in hmu ih in duhdawt. Kan mah in runding in le Pa in fa le a duhdawt vek in a lainatnak cu a lang ter a si. “Khaltu nei lo Tuu pawl” vek ih kilkhawi tu nei lo pawl hnen ah Jesu in a palai pawl khal Pathian ih hnemnak ngah ding in tuanvo a pek ih a thlah vek in kan ni Khistian pawl khal harsat beidong riahsia ih um mi pawl hnen ah duhdawt nak le ruahsan nak pe thei ding kha kan tuanvo a si.” tin Pope Leo cun a sim.
Jesu in a mai hril mi a dungthlun tu pawl lak ih Judah rori hman ih phatsan a tuar. A sinan , a thuthangtha cu ziang tik hman ah a thi thei lo, a hlo thei lo kumkhua in a thar a hmun ringring a si tin a sim bet. “ Pathian ih thuthangtha kan au pi ih kan nuncih tik ah,” hin ziang vek a si ti a si le “ Thatlonak/ sualnak ti mi cu; natsia a hlo vek in le, zingkhuatleu hmu thei ding in zan cu a liam, thawhsal nak in thihnak a neh vek in kha a hlo thei mi a si.” tin a sim. Cu ruangah, Jesu Khrih ih in pek mi a thluahsuah le a duhdawt nak cu mi hmuahhmuah in co ve ding ah a dungthlun tu pawl tuanvo a pek mi kan tuan a si ah cun a ngaingai in kan nunnak kha a thleng ter a si.
“Jesu ih thluasuah laksawng cu a lak a si ih ruang ah ziang thawn hman in tah tthim thei lo mi a si. lei le zuar khal theih lo mi thil a si.” tiah Pope in a sim. Hi mi a thluasuah cu khui tawk vek ih kan um khal ah a mah naih sinsin thei ding ih in pek mi a zangfah nak laksawng a si tiah a sim bet.
A neta bik ah , Pope Leo in Khristian pawl zaten thudik le thuhman lam ah tang ding in le mi farah pawl bawm/rian ding ah le Pathianih ngaidam nak thuthang tha sim thei ding in thazang pek nak thawn forhfial nak a pek. “Jesu Khrih in a riantuan ding ah in ko ih cui rian cu thatho zet le nuamzet ih kan tuan thei nak ding in Bawinu Mary ih bawm nak kha dil tlang uh si”
Himi thuthang cu Vatican News in kan don mi a si.
