Pope Leo in leitlun huap Mission Sunday ni ah tel dingah Pawlpi sawm.(June 1, 2026)
Pontifical Mission Societies aiawhtu pawl hnen a simnak ah Pope Leo XIV in leitlun huap mission Zarhpi ni ah tel in tuah tlang dingah Pawlpi zaten arak sawm. Cuihleiah Pope in American ram ih Pontifical Mission Societies ih lamhmuhtu a rak tuandah tu Fulton Sheen ih thu mangsal in a rak sim. Amah cu Septembet thlaah “Mithianghlim ah khaisan a si dingih Pope in a mah kha “zumnak, ruahsannak le duhdawtnak ih tleunak” tiah a rak lawm.
Cuihleiah “kanmah pawl khal a mai thuthangtha hnatuannak karhzainak ruangah kan nauhak lai ih ka rak hmuh daih mi pakhat a si” tiah a rak sim. Pope in Fulton J. Sheen cu September 24 ah Missouri ih St.Louis khuapi ah Mithiangthianghlim ah khaisan a si dingih “Pathian ih khuakhannak vekin caan tha pakhat a si” tiah a rak sim.
Leitlun huap Mission Zarhpi ni ah Catholic kiangkap tinah a hmaisabik Gospel thuthangtha a ngai tu ding hmun le ram le Pawlpi um pek pawl bawm dingah thlacamnak, thlarau lam thawn pehpar mi le taksa lam thawn pehpar mi sup in ap nak tuah dingah a rak sawm. Hi mi cu Zarhpi sun Vatican ih tuah mi Pontifical Mission Societies ih thurel tlangnak ih a tel tu pawl cibai a buknak ih a rak sim mi asi.
Pope Leo khal in
Acemnakah Pope in a hmai ih umtu zate le Pontifical Mission Societies ih a thupi mi mission hnatuan nak ah a teltu zaten Pathian ih Nu a si mi Maria ih Nui duhdawtnak thawn a thlacamsaknak le Mithianghlim pawl ih thlacamsaknak thawn a rak ap.
