Pope Leo XIV in Gospel thuthangtha simnak ruangah mi pakhat khat in soisel nak a um le thudik parah hrambun in soisel hai seh tiah sim. (May 05, 2026)
Tlawngkai nihnih ni zanlam ah Castal Gandolfo in Rome ih a thlun hlante ah Pope Leo XIV in thuthang latu pawl thawn tawiten thusimnak a nei ih American President Donald Trump in kan dung naite ih a tuah mi soiselnak pawl khal a rak sim.
“Pawlpi ih tuanvo cu Gospel thuthangtha sim le remdaihnak hrang sim dingah a si” tiah a rak sim. Cuihlei ah Gospel thuthangtha kan simnak thu ah a soisel duh a sile a dik lo mi thu ah in soisel seh” tin khal a rak sim.
Pope Leo XIV in Villa Barberini (Castal Gandolfa) ih a mai umnak) lenglam ih a simnakah Pawlpi cu nuclear hriamhrei pawl kha a doral ringring thu sawh khih in a rak sim.
Pope Leo XIV in kan dung kum tampi lai in Pawlpi in nuclear hraimhrei zaten a dokalh a si, cu ruangah hi thu ah cun zianghman rinhlel ding a um lo” tiah a rak sim. Hi mi thu cu American President Donald Trump in Pope cu Iran ram nuclear hraimhrei neihnak a cohlangih a lungkimpi ti ih a simnak parih a simnak a si.
Asinan Pope le Catholic Pawlpi cu nuclear hramhrei an doral ringring thu ngamhnget in a rak sim.
Pope Leo XIV in Pathian ih ttongkam manhlatnak ruangah I rak ngai hram seh tiah ka ruahsan” tiah a rak sim. Pehbet in a sim mi cu Pope tuan dingih hril ka si ni a hmaisa bik in “fiangzet in ka rak sim zo” tiah a rak sim. Cuitlunah “Peace be with You” nan hnenah daihnak um hram seh” ti ih a rak sim mi kha mangsal in a rak sim.
Pope Leo XIV in May 7 ni Tlawngkai nili ni ah a tuah ding mi American Secretary Marco Rubio thawn an tonawk nak ding parah a tha mi thurel tlangnak sihram seh tiah ka ruahsan” tiah a rak sim.
Pope Leo in “a rat tik ih kan rel ding mi thu pawl tu lai a cang mi thil pawl a si dingah a ruat lo. Ziang mi a si pei maw ti mi cu hngah hrih a tul lai ding” tiah pehbet in a rak sim. Ti duhsan cu American President ih a sim mi thu pawl kha a rak ti duh mi asi. Hi thuthang cu Vatican thuthangin a remcang dingzawng in kan ngan mi asi.
