Pope Leo in tuahmawhnak le raldonak karlak ih nunnak cemtu thuthangla tu pawl mangsal in sim.(April 3, 2026)
Zarhpi ni Regina Caeli thlacam theh ah Pope Leo XIV in tui nu May 3 ni cu World Press Freedom Day a si thu a rak sim. Hi ni cu UNESCO in kumtin hoha in a rak tuah theu.
Pope Leo in media pawl zalennak kha tu le tu siatsuah a si thu a rak sim. A cancan ah cun langsar zet in le a cancan ah cun theih thei lo ding tidaan pawl in tuah siat an si theu thu a rak sim. Pope in “ralbuainak le donak pawl ruangah nunnak a liamtu thuthang latu pawl le thuthang pe tu pawl hnen lungawi thu sim uh si” tiah a rak sim.
UNESCO ih simnakah rinsantlak mi thuthang lak theinak, tuanvo laknak, relkhawm thiamnak le khat le khat rinawknak thanso ternakah media zalennak le a zalen mi thuthang ngannak cu a thu pi zet mi a sithu a rak sim. Hi mi pawl in remdaihnak, sumdawnnak thudinsalnak, a hmun mi thansonak le minung ih thilti theinak paw khal a thupit thu tel in a rak sim.
Cuvekthotho in UN organization pawlkom in 2022-2025 World Trens Report ah thuthan zalen theinak cu 2012 hnulam ah tampi a tlak niam thu ralrinnak an rak pe. UNESCO khal in AI cu tumtahnak tha lo neitu pawl in an hmannak thawn thuthang cipciar bumawknak pawl ruangah mipi pawl ih rinsannak le rampi himnak pawl kha buainak a pek thei thu ralrinnak an rak pe.
Leitlun media zalennak ni cu thuthang media zalen theinak ih a hrampi a si mi ti daan pawl sunloih dingah, leitlun hmuntin ih media zalennak dinhmun zosal dingah, media zalennak kha kilhim dingah le thuthang lak lai ih nunnak cemtu thuthangla tu pawl sunloih in mangsal nak caan pakhat a si. UNESCO cu fimthiamnak, science, nunphung le thuthang laknak hmun pawl ah ramtinkim kopkhawm in tuah tlangnak thangso hngetter dingih tumtah mi a hleice ih UN pawlkom pakhat a si.
Pope Leo in Zarhpi ni thlawsuah peknak St.Peter tualrawn ih a thlengtu zaten cibaibuknak a rak nei. Cu mi sungih Italy ram ih “Meter” pawlkom ih aiawhtu pawl khal an tel ih cui pawlkom pawl in kum 30 hrawng nauhak pawl a silo zawngih hmannak humhim dingah le Pawlpi le nunphung kha telter in hriamhma ngahtu pawl bawmnak le humhimnak hnatuan pawl ah theihkauhnak a pe tu pawlkom pawl an si. Pope in an hnatuannak parah a lung a awi thu a rak sim.
