Pope Leo XIV nak European parliament (Hluatdaw) ah thu sim dingah sawm.( April 17, 2026)
European parliament in a ralai ding mi Hluatdaw thurelnak ah thusim dingah Pope Leo XIV kha official in sawmnak an rak nei. European parliament ih President a si mi Roberta Metsola in European parliament Hluatdaw ih thu bawhcatnak kha a mai social media ah a tu vekin a rak than.
Pope Leo XIV in leitlun pumpi ih Catholic zumtu pawl ih Tuukhal pakhat a si lawng silo in nuncan ziaza lam ah lamhmuhnak tampi a tul mi a tui tikcu caan ah ralthatnak thawn a felfai ih thuhman ah a thukthun lo mi zohthim tlak pakhat a si tiah a rak sim.
A hman mi Christian pawl zaten le biaknak ah zumnak a neilo tu pawl khal in Pope ih aw kha an ngai ih an upat tiah Metsola in thupit in a rak sim. EU hrangah Pope Leo ih remdaihnak ttongfang cu a tuletu kan ngai a tul tiah ruahsan phah in European parliament aiawh Holy See hnen ah sawmnak ca a rak kuat thu pehbet in a ngamhnget thu a mah in a rak sim. A lamdang hleice mi cu Italy minister Giorgia Melony in Pope Leo lungkim pinak kha Donal Trump in a rak sawisel hnu ni reilo teah a tu vekin EU Parliman ih sawmnak an rak suak.
Donald Trump in Pope Leo cu ziangsiar lo zet in a rak do hnu a reihlan ah a mai EU Parliman Italy Minister Merlony in Italy ramkhel lam ih tuanvo neitu pawl zate thawn Pope Leo kha sawisel nak a cohlan thei lo thu a sim tikah Donald Trump in Malony khal na pin a rak sawi sel bet. A tu can ah Italy in America ih Iran a donak thu ah Italy raldonak hmun pawl hmannak an rak sian nawn lo. A tui can ah Trump vekih ram khel lam pawl hnen in ruahcia thei lo mi donak pawl thawn thenthek awknak a suahter mi ttongfang pawl a suak ko nan Pope Leo XIV cu zianghman phannak nei lo in a mah dinhmun ah a um ko. Pope in tanbul nei mi buainak sungah tel lo in lungrualnak, ram Palai thawn zaangfah lainatnak ti mi ttongfang hril in leitlun pi remdaihnak hrangah cawl lo bang lo in a rak zuamtu a si. Akuai mi leilungpi kha dam dingah Pope in thupit in a rak zuam mi asi. Pope Leo ih hmunhnget in a nem mi lamhmuhnak in tui ni leilungpi hrangah thlawsuah pakhat a si. A mai thatnak zarah a sawn lo mi ziaza hoha nak in kan zaten mai nunram ciarah remdaihnak thawn duhdawtnak pawl hawl dingah tha a rak pe. Hi mi thu cu Shalom World News in a remcang ding zawngin kan ngan mi asi.
