Pope Leo XIV in Via Crucis ti kawh mi Thinghlamtah lampi thlunnak ah a mah rori in Thinglamtah phur ding.(March 31, 2026)
RVAFalamservice. April 2, 2026.
Pope Leo XIV in way of the Cross thinglamtah lampi thlunnak hmun 14 zate in Colosseum ih tuah ding mi ah hoha in a tuah dingih cu mi thlacamnak ah a mah rori in Thianglamtah a phur ding asi. Hi caanserh cu Pope dinhmun in a hmaisabik Good Friday (Holy Friday) caanserh hmannak a si ding.
Tui kum ih caanserh sungih ruah ding mi pawl cu Franciscan Puithiam a si mi Fr Francesco Patton hnen tuanvo pek a si ih a mah cu 2016 kum in 2025 tiang Custo of the Holy Land ah tuanvo la riantuan tu a si. Cuihlei ah Holy See Press Office in cu ca pawl cu Food Friday zinglam in sunhrawngah a suah dingih a than ding asi.
Fr Francesco Patton cu Order of Friars Minor ah sungtel pakhat a si ih tuletu Mount Nebo in ca rak ngan theutu asi.
Amah cu a hleice in tuhrawngih a cang mi ralbuainak le donak ruangih dinhmun thalo nak ruangih tuahsiat a tuar mi Middle East mipi pawl ih harsatnak pawl aw in a langter theutu a si.
Kan dunglam (2024 kum vekin) ruah ding mi ca pawl kha Pope Francis a mah in a rak ruat ih Gemilli Hospital ah caan reipi Siizung a to hnu Casa Santa Marta ih a thlen sal hnuah a si. Cuihlei ah 2025 kum April 18 ni ih tuah mi Holy Friday caanserh kha Pope ih dilnak vekin Baldassarre Reina (the Cardinal of Rome) in hoha in a rak tuah. Hi mi thuthang cu Vatican thuthangin kan ngan mi asi.
