Pope Leo XIV cu zarhtin tlawngkai nithum ni tinten mipi a tong caanah Vatican council II ih Dei Verbum (Pathian ih tongkam thawn pehpar mi daan) ca kha an rak rel khawm a si.
Bible cathianghlim cu tusan ih a tinsan famkim nak ding hrangah thuanthu thawn pehpar mi thil pawl thawn kaih aw ih theih thiam ding a tul thu le cathianghlim cu Pathian le minung lak ih pehtlaih awknak lilawn a si thu hleice in a rak sim a si.
A san simfiang nak ih a hlan thuhla pawl parih simnak
“A thianghlim mi cathianghlim kha dik zet ih a san simfiang tikah bible cathianhlim a rak suahnak thu kiangkap le an rak hmang mi cafang pungsan pawl kha tang a ngah lo. Cutisiloin Pathianih a rak hman mi minung pawl ih tongfang pawl kha zinzoi duh lo nak cu Bible ih tisan kha theihfiang lo ih hlohral ter nak a silole thlarau lam hrang lawng tiduh san lam ih in hruai theitu tih a nung zet mi thil a si.
Pehtlaih awknak par ih simnak
“Cathianghlim cu tuih kan nunram, minung pawl ih ruahsannak pawl le farah harsat nak pawl thawn hla awk tikah siseh, theihthiam thei lo mi tong hmang tikah siseh, a silole pehtlaih aw thei lo in san man lo khal ah siseh cumi cu thathnem nak a nei nawn lo ding a si.”
Cathianghlim ih tumtah nak parih simnak
“Cathianghlim kha pawlkomnak a silole thatnak ding tongkam menmen a si ti ih ruah a theih lo. Cumi cu Jesuh Khrih thawn in in pek mi a famkim ih kumkhua nunnak hrangih lungawiza thuthang a si.”
Netnak thlacam
“Kan tongkam pawl, cu aiin kan umtlan dan pawl kha bible cathianghlim ih in hmun mi Pathianih duhdawtnak kha phen lo dingah thlacam cio uhsi.”
Let tu – Olivia Lal Ruat Mawi
Thuthang – Vatican thuthang
Website: rvafalamchin.org
www.youtube.com/@rvafalamservice58
