Thil thar a lar tinten leiduh, hmang duh tu pawl ih hmuhnak le leitlun sumdawn nak ih thapek nak ruangah nunphung kha kilhim nak a mal ih, minung pawl ih rothil a si mi nunphun phunkim tampi pawl cu a rak hlo ral thluh.

Buainak zate kha phunkhat lawngih simfiang duhnak, fimthiamnak pawl thawn simfiang duhnak cu hmunram neitu minung pawl ih relkhawmnak kha dilih buai rero mi hmunramneitu pawlih buainak kha ngaihsak lo ih um thawn a bang aw ding.

A dang hmunram ih hman mi tidan thar pawl kha hmunram neitu pawl hrangah an lung kim zawng a si lo. Buai nak simfiang nak pawl cu hmunram neitu nunphung parah hram bun a tul. Minungih nunram le leilung tlun cu phur nak thawn a thleng aw rero mi thil pawl a si ruangah, leitlun kiangkap kilhimnak tawirelnak pawl khal hmunringring mi si lo in a mal thei ih thin thatho zetin tuan ding a tul.

Fimthiamnak lawngih pek mi simfiangnak cu natnak a cang thei mi umdan pawl lawngkha a khih hmun ih natnak cang thei mi umdaan pawl dungih a beisia mi buai nak pawl kha a simfiang thei lo.

Hmunram nei minung pawl ih caantha le nunphung pawl kha upat a tul ih, minung pawlkom pakhatih thanso nak kha tuah nak ah cui hmun ih thuanthu thawn pehpar mi thil cipciar pawl kha hlankhan ih theih cia a tul lala. An mah pawl ih thuanthu khal nunphung thawn a pehpar awk ruangah hmun ram minung pawlih nunphung kha hrambun in thotha zetin tangrual ih tuahtlangnak a tul.

Minung umdan remnak khal ah, hmundangih tuahdan pawl kha cohlang tengteng ding ih duh nalocing ih tuah fial ding a si lo. Minung ih umdaan kha hmunram minung pawl thawn pehpar mi hlan ti dan pawl an hman mi aiawhtu pawl thawn rawi lawngah an thei thiam ding.