Mithianghlim Francis cu mah te um mi kiangkap thuhla cu kilkip ih thaten ruat paih asile Match lam, Ramsa lam thu pawl tongfang kha lan in a dang hmuhdan lam khal lin zoh thei dingin sangka ong sak thu fiang zet in zir in, minung diktak vek ih um thiam nak cu ziang a duh san a sung thu tak ih hmu thiam dingin in bawm ringring asi.

 Kan nih pawl cu mi pakhat khat thawn kan duhawk vekin Francis khal midik, mi ti fekfek le a fate bik mi ramsa pakhat kha zoh tikah a thinlung a thing thei lo ih hla a ngan, a hlasak nak cun a dang ramsa zatei ih thinlung khal a la ilh an ra.

 A nih cu ramsa pawl thawn an bia aw thei ih Pangpar pawl kha thu asim ih cu pawl cu thei nak a nei mi ramsa pawl vekin Pathian biak ding in a sawm ringring asi.

 A nih cu Kiangkap thawn an pehpar awk nak ah mifim pawl ih thangthat nak vek silo, Sumdawn nak lam vek khal silo in a mai hrangah ramsa pawl cu duhdawt dingmi unau vekin a ruat asi. Curuangah ramsa pawl kilkhawi ding in tuanvo nei in a ruat aw asi.

 Mithianghlim Francis ih dungthluntu tha miathianghlim Bonaventure in a saya pai thu a sim dan ah a nih cu ramsa pawl ih an si nak thok nak ih hrampi a si mi Pathian ih thu ruat nak ihsin Pathan par ih a upat nak a thanso vivo tikah ramsa pawl cu ziangtluk ih an fate khal le ka nau nu ka naupa tin a ko theu asi.

Hivek ih tuah nak cu san a nei lo mi duhdawt nak flim pakhat tin ruat ih, olsam ten hlon a theih lo. Ziangah tile hivek ih tuah nak cu minung pawl ih tuah nak kha lamzin in hril sak ih in thensak nak thawn an pehpar awk ruangah asi.

 Kan nih pawl cu leitlun le kiangkap kha kan zoh tikah Pathian ih sersiam mi leitlun ih danglam nak, mangbangza asi nak kha fiang te ih kan ruah lo asile kan nih pawl cu leitlun thawn kan pehzom awknak lang ter nak ah cu mi ih mawi nak thu, U le nau vekih ruah nak tongfang hman lo cun leitlunpi par ih kan neih mi kan ruahdan kha saya vekin, cemral ter tu vekin, mai hlawk nak hrang ih ziangkhal tuah tau, zangfah nak thinlung  nei lo tu, a siatral ter tu kan si.

 Tahthim nak kan lang ter sile kan nih cu leitlun ih a um mi ramsa pawl khal nel ding ih kan tuah asi le zangfah nak le zawnruah nak pawl kha an mah ten a um mai ding asi.

Mithianghlim Francis ih farah zonzaih ih a um nak, nasa tak ih ulh nak a tuah nak pawl cu men men ih tul nak ruangih tuah mi asi lo a hrampi ihsin remduh nak sawhkhih ih tuah mi asi.Thilri pawl kha minung pawl hrangah mai thu ih man ral dingmi thil pawl, minung pawl ih tuahnak tang ih ret ding mi thil pawl tin el dingmi asi.

Laudato Si’ (no. 11)