Mipakhat cu a tum zet ih a rit zet mi thil kha a zaang ah phur phah in zin ah a feh. A nih cu a thil phurh mi a rit tuk ruangah a bang zet. Cu a phurh mi sung ihsin a thu zet mi thil rim sia zet khal a suak. Zin ih a hmuh mi pakhat pa in hitin a sim. “Ka rual na phurh mi thil cu a thu tuk zo ziangah saw kha mi pi cu na phurh rero hnawm pung pakhat ah hlon men awla… cu lawngah na ruah nak khal na minung khal a zaang ding…” a ti. cutik ah thilri phur tu pa in hitin a sim.

“Ziangtin ee… hi thil ka hlon ding maw… ka hlon thei lo…hi thil a um lo a si le um dan ka thiam lo… curuangah hi thil ka phurh nak a reipi zo… neta khal ka phur vivo ding” “Ka rual… a phurh mi thilrit pi sungah ziang a um tin na ruat” na theih lo le ka lo sim ding. A phurhmi sungih a um mi pawl cu a nun dam sung ih a ret mi duhhamnak, thinhengnak, bangnak, hngalnak, nahsiknak, huatnak, mi relsiat duhnak, mithu relsiat nak cu pawl an si.”

Ka rual le pawl khal a mah vek in thilrit pi nan phur rero pang maw ti ruat aw sal aw. A mah vek in thilrit pi phur rero pang lo in nunram khualtlawng nak ah zang ten in tlawng thei hram uh.

Crd/Original uploader