Veikhat veihnih cu mah ten kan um konan thuhla um lo in in zuam duh tu pawl an um thei a si.

An thuhla kan thei lo konan an nih cun kan thuhla kha kan mah aiin an thei theu a si.

Kan nih cu ziang an tuah ti mi zoh dingah kan ngaihsak lo vekin caan khal kan pe thei lo. Asinan an nih cun kan tuah mi tinkim kha in zohih sual in hawl rero thei a si.

Kan nih cu mai hnatuan thawn kan man thei lo konan hrekkhat minung pawl cu mi thuhla sia rel dingah thuduhnak caan an rak nei.

Kan nih cun zo a si ti khal kan thei lo konan thu um loin in hua tu pawl khal an um thei.

Mi thuhla sia rel lawngih um nuam titu pawl khal an rak um.

Cuvek mipawl kha lehrulh ding ruah hlah. A tha bik mi tidan cu ngaih sak lo ih um kha a si. An nih cu an tuahmi an mah ten an ngah sal ding a si.

An thinlung ruahnak kha a that lo tikah an hmuh dan khal thleng a ngah lo. Mai hmuh dan kha thleng aw. An nih khal huat a tul lo. Thinlung sungih ret lo ding kha a tul.

Mah tuah dingmi hnatuan lawngkha a thabik in zuam aw. An thu cu a ruah khal ruat pang hlah.

In hua tu pawl ruangah thinbang rero kha a tha hnen lo a si.

Curuangah in duhdawt tu pawl hrang lawngah nung aw. Huatnak thawn nunghlah.

Mai nunram ih hmailam kha mawi dingih tuah thei dinglawng zuamin hmainor aw.

Hnawm pawl kha thinlung sungah lut ter hlah.