RVA Falam Service/ October 21, 2026

Leitlun hmuntin ih Khrihtian pawl cu Christian biaknak parah hremnak pawl minung tampi ih thei sak dingah le biaknak zalennak kha humhim in khaisang dingah tumtah ih kumtin cangvaihnak a si mi “Red Week”( A sen zawng Zarh) kha tuah dingah timtuah rero lai a si. Cu mi caanserh cu “ a tul sam mi bawmtu pawlkom (Aid to the Church Need-ACN) in hoha in timtuah mi a si.

Tuikum Red Week (a sen zawng Zarh) cu November 15-22 tiang tuah a si ding. Hi mi ni sungah Biakinn pawl, hngilh lonak ih sak mi inn pawl le mipi thawn a pehpar mi inn pawl kha a sen mi meisa (မီးသီး) vannak in ram tampi ah biaknak lam zalennak hrinhro an tuar ih Christian pawl khal nasa zet in hremnak an tuart hu minung tampi in an theih theinak dingah tumtah in tuah mi a si.

Hi mi a senzawng cu zumnak hrangih nunnak pektu miral tha pawl ih thisen a aiawh ih hleiah hremnak a tuar mi Pawlpi thawn lungrual ten din tlangnak ih hminsinnak a si.

Porgal ram ih um mi Aid to the Church in Need foundation ih director in Red Week thawn pehpar in “Leitlun hmuntin ih minung tampi in a hleice in Christian thawngzia hanglo kha a siatsuah ter mi hi a besia zet mi dinhmun parah minung Pawlkom ih ziangsiar lonak kha dokarh dingah a thupi tuk a si” tiah an rak sim.

Red Week cu kumtin tuah a si ih leitlun hmuntin ih hremnak tuart u Christian pawl hrang fimnak peknak cangvaihnak le thlacam nak pawl tuah nak zarhkhar pakhat khal a si.

Hi mi caanserh sung “Tlawngkai nithum” (3) ni tiah mi theihtam a si. Cuini ah Leitlun hmuntin ih Christian pawl cu a sen zawng a simi thilri pakhatkhat hru dingah sawm an si. Tahthimnak ah liangparih hru mi biaknak lam puan (Scapular) hnawngorh pavua lole sweter Angki pawl hruh a thei a si.

Hi tivek ih a sen zawng hruknak cu harsatnak a tong rero tu Pawlpi thawn lungrual ten ding a sit hu langternak a sivekin mai zumnak kha humhim dingah nunnak a petu Christian pawl khal mangsalnak a si.

Source – Shalom World News