RVA Falam Service/ November 1, 2026
Mithianghlim puai ni November ni 1 ni ah, Pope Leo XIV cun Khrih hrang ih nunnak rak pe tu mithianghlim pawl ih nun dan ruat phah in, zo khal thianghlim ding ih kawh kan si ih that lo nak hmuahhmuah neh thei ding in duhdawtnak kha hril in tuahsawn ding in a sawm.
“A thupi bik mi dinhmun lawng ah si lo in nitin nunnak ah daihnak tuah thei ding in thanau hlah uh si”. Thianhlimnak ti mi cu mimal sawn lawng ih ngah ding mi a si lo, kan umnak hmunkip ah zokhal ih ngah thei ding mi leitlun pumpuluk thawn pehpar ih ngah ding mi thil pakhat” a si tin Pope Leo in a sim.
Hi mi mithianghlim puai ni ih “ruahsannak thawn a khat mi thuthang pa khat” cu “kan hmuh thei lo mi thatnak pawl kha Pathian in a hmu ih, kan theihthei lo mi thu khal a thei. Cun kan ti thei ban lo mi thinlung khal a tong thei tu” a si timi kha fiang te in a sim.
Pope Leo cun “Pathian le kiangkap mipawl hrang ah laksawng ah tin mai nunnak a pe tu Khrih ih dungthlun tu siarcawk lo mi tampi an um”. Tiduh san cu; Kawkhran ih mithianghlim ti ih theipit mi pawl lawng si lo in, a dang siarcawk lo nunphung, umdan le an nunkhuasak dan phunphun ihsin thei ngah lo mi mithianghlim tam pi an um ti nak a si.
“Hi tluk ih tam U le Nau pawl cu siarcawk ding an si lo, a siar ih siar ding thei a si lo” tin Pope in a sim. Ziangruangah ti le “thianhlimnak ti mi cu maldeuh ih tuat sak thei thil khal a si lo, ziangah ti le leitlun ah mithianghlim pawl in an that nak cu an kiangkap ih an rak than mi zat zat kha a si mai.
Cui hnuah, Gospel siar mi sung ta la in, mithianghlim pawl ih ziaza hleice cu ziang vek a si ti a sim: Thinlung lam ah an farah zet nan Pathian ih duhdawtnak ah milian an si. An hmai cu mit thli thawn khathman seh la, thlacamnak ah thinhna hnangamnak an hmu. Zohsuamnak an ton tik hman ah an tang a dor ih Pathian ih laksawng an ngah. Thudik an hal nan an thinlung sung ah cun thatnak in a khat thluh zo. Zangfahnak pom in mi ngaithiam ding ah an tim aw cia theh zo. An lungsung ah hriamhrei an keng lo nan Pathian in a humhim. Remdaihnak tuah tu an si ih, Pathian ih hmin in kawh mi an si. Hremnak le hmuhsuamnak an tuar ko nan zumnak le duhdawtnak ah an hnget khoh.
Himi thuthang cu Vatican news ihsin kan ngan mi a si.
Crd: Vatican News
