RVA Falam Service/ October 22, 2026

Tlawng le Phunsang tlawng pawl ah Pathian thu thawn zohthatawk nak ti mi hrang ih leitlunhuap ton khawmnak ah Pope Leo XIV in Catholic Education tlawng pawl cu, mino pawl thazang ngah nak hmun, ton thei nak le duhdawtnak an co nak hmun si ter ding tin a sim.

Cu tik ah leitlun mawi sin sin ter tu ah an cang ding.

Hi mi nunphung le fimnak lawm pehpar ih tonkhawm awk nak cu October 22-23 tiang Vatican ah an tuah. Pope Leo in, Catholic tlawng cun, mino pawl kha tleitlun ah umnak hmunthar din thei tu le , u le nau thinlung nei in, thudik umnak hmun dinhthei tu an si thei nak ding ah  bawm ding in forhfial nak a nei.

Catholic tlawng cu, tlawngta pawl hrang ah an mai inn vek rori ih hmuah le lom an ton thei nak ding inn siding in le an mithmai zoh ih an hmin khal hminsin theh thei, an um lo can te khal theihsak in an tlun sal tik ah lung awi ten a rak hmuak thei tu mi pakhat khat um nak inn vek rori si ding in tuah ding ah Pope Leo in a sawm. Cun Catholic phunsang tlawng pawl in “tlawngta pawl in an nunram tak tak kha thei thei ding in le duhsan nak thawn a  hawl thul hna an thiam theinak ding in le “thu dik thu hman” hawlnak ah an tel thei nak ding in bawm ding a si tiah ah Pope Leo in a sawm.

Pope Leo in “thatho zet le siangzet in mi hrang thatnak tuahduhnak thinlung” nei mi an tam zet ko nan “ningnat le harsatnak a tuar mi innsang, Digital santiluang ruang ih umharnak, khopkham nak tuar ih um silole hmailam khuakhan dingdan zoh ih thinphannak  tong tu tlawngta pawl an um ti lang ternak a nei.

Cuitlun ah tlawng le phunsang tlawng pawl ih biaknak lam hnatuan tu pawl in mino pawl kha lungtho zet le thuruat thiam tu si ding in zirhnak pek ding in le an ruahnak thangso ding in bawm ding ah a forhfial asi. 

Hi thuthang cu Shalom world news ihsin kan ngan mi a si.

Crd: Shalom world news