RVA Falam Service/ October 26, 2026
Africa ram ih Nunau pawl hrang khawkhannak ih hnatuan tu upa Hala Alkarib in remdaihnak hrang ah kaa lawng si lo ih tuahnak ih thupit dan zia a sim.
Kum 40 a rei hnu October ni 25, 2026kum sunhnu ah, St. Francis ih umnak khua Assisi ah a Pope Leo XIV ih 2026 kum Leitlun remdaih Ni hrang ih a sim mi thucah “Ralthuam hmang lo le ralthuamthlah ih remdaihnak” ti mi a thucah mi par ah thazaang lak nak nei in thurelkhawm nak pi cu tuah a si.
Ms. Alkarib in himi leitlun huap tonkhawmnak in leitlun pumpuluk ih doawknak le sualralnak thuhla par ah tleunak a suahter ding tin ruahsan nak a nei thu a sim. A hleice in Sudan ram ah cun, doawknak a thawh ihsin tui kum li sung ah minung 250,000 hnak ih tam thah an si. Inn, biak inn, Mosque le museum pawl cu siatsuah an si thluh, nu le pa sualnak lam tuahnak khal cu a karhzai vivo. Sudan lawng ah siloin Africa ram hmun dangdang ah khal ah a um hi tihnungza a si.
Hitawkhmun ah, biaknak lam daan pawl thawn tuah ding hi a tul tin a sim. Cun “Ralthuam hmang lo le ralthuam thlah ih remdaihnak ngah thei ding” ti mi cu a thu pi bik ah Minung ihsin ra mi a si. “Hi mi cu minung zate thawn a pehzom aw mi a si. Kan nunnak, daiten um theinak, kan neih mi thilri hmuahhmuah zemawk nak le kiangkap kilawk dan pawl thawn a pehzom aw thluh mi a si” tin a ti.
Hitivek Pope ih thucah mi hi remdaihnak tuah ding ah a thu pu tuk mi a si tin a sim. Hi vek thucahnak um lo seh la “ hi buainak hmuahhmuah cu minung nunnak hi hlawknak hawl ih sumdawnnak vek men ah a cang theh ding. Biaknak lam aiawh ih pawlkom pawl in mai dinhmun lang ter ding in minung zate hrang ih thathnemnak hrang ah pumkhawm aw in, aw suah ding hi a cu thlang a si tin Ms. Alkarib in” a sim.
A sinan, a bang aw lo mi Biaknak, nunphung le thuanthu pawl umnak hmun ih minung pawl tel in Assisi khuapi ah leitlunhuap ih tonkhawmawknak cu thurelkhawmnak hrang ah hramthawhnak hmun a si vek in a thu pi sawn cu thutak ih tuan nak hmun pi khal a si. Himi “a mawi zet mi” Pope ih thucah mi hi tongfang te lawng si lo in thutak ih tuannak ah a cang ding tin ruahsan nak ka nei tin a sim.
Himi thuthang cu Vatican news ihsin kan ngan mi a si.
Crd; Vatican News
