RVA Falam Service/ October 18, 2026
Pope Leo XVI cun Khrih ih tongkam hminthang zet “Caesar hmel cuang cu Caesar pek uh, Pathian hmelcuang cu Pathian pek uh” ti mi cu “miding si ding in le, tihnak le bumnak ihsin luat in thiltha tuah ding ah zalen zet ih um” ding in Jesuh in in ko tinak a si tin a sim.
“Caesar ih ta cu Caesar pek aw”
Angelus thlacamnak tuah hlan ah Pope Leo XVI cun “ Jesuh ih tongkam hminthang zet mi Caesar ih ta cu Caesar pek aw, Pathian ih ta cu Pathian pek aw” timi thu a sim.
Jesuh cun a sualnak hawl duh ih an suh mi thusuhnak cu “thangsung ih awk aw lo ding in a hrial thei lawng si lo in an maithinlung sung ih um mi thatlonak tiang a phorhsuah thei” tiah Pope Leo in a sim.
Himi Bilble bungcang kan siar tik ah kan theihthiam thei nak ding in, Pope Leo cun a run tar lang. “Jesuh ah kan ni cun, a thuanthu tih lo in, cui thuanthu sung ih a um mi Pathian kha kan hmu a si. A uknak cun minung hnatuan le an tuanvo a hlonhlo lo” tin a sim.
Miding siding in le thatnak tuah ding ah zalennak
Cu hnak in Jesuh cun, “relremawknak um loin, maiduhnak lawng ruat le diklonak ihsin luat in, Pathian ih uknak le a dingfelnak kha thupibik ah ret ih nun ding” sawn kha in sawm a si tiah Pope Leo in a sim. Cuvek ciah in, Jesuh thangthat tu pawl in “an tumtah mi pawl cu a thalo zet nan” thatak vek in mi bum an thiam tikhal a sim bet.
A tawinak in Pope in hitin a sim, “himi hi Caesar ih ta cu Caesar pek uh la, Pathian ih ta cu Pathian pek uh timi ih sullam cekci a si: tiduhsan cu miding mifel si ding in, salvek ih tihkhur ih um silole bumnak ihsin luat in, thatnak tuah ding ah zalennak nei hi a si” tiah a sim.
Hi mi thuthang cu Vatican News ihsin kan ngah mi a si.
