RVA Falam Service/ October 18, 2026

Pope Leo XIV cu a cuap cancer khuainak a tuar hnu a hmaisabik mipi hmai ih a langnak Angelus thlacam theh thusimnak ah Siizung ih tuamhlawm nak a lak lai ah a mah tuamhlawm in a ngaihsak tu Rome khuapi ih Gemelli Hospital Siizung ih Siibawi pawl, Sayamah pawl zaten a lungawi thu a rak sim.

Cuihlei ah mah damzang dingin thla a cam saktu zate hrang ah khal lungawi thu a rak sim.

“Nan mai thapeknak cu kei in tampi ka rak tep. Nanzate parah ka lungawi ” tiah Pope in a rak sim.

Pope in Siizung ka kai sungah hin mi dam lo pawl ih tuarnak kha tamdeuh in ka theih sak thei tin khal a rak sim.

Hi mi ruangah midam lo pawl le taksa sungih tha mal mi pawl dinhmun a tuar tu pawl zaten a hleice in an mai tuarnak naiten ka tuar pi thei a si” tiah a rak sim.

Pope cu khuai a tuar hnu zarhte ni ah siìzungin a tlung thei.​

Angelus thlacamnak thehah Pope in a mai hnatuan pawl nuamteten a thawhsal ding thu a rak sim.

“Atu ah cun a thupi ih ngaihsak tuk mi dinhmun kha ka lan thei zo ruangah nan mai nan theih vekin Pathian ih bomnak thawn nan mai thlaza cam saknak tha man in ka hnatuan pawl tla nuamteten ka tuan thei thlang ding” tiah a rak sim.

Hi thuthang cu shalom world news in kan ngan mi a si.

Crd/ Shalom world news