RVA Falam Service/ September 19, 2026
Italy ram ih thuanthu thawn a khat mi Assisi khua cu Catholic Pawlpi ih a lgsar bik le mi duh zet le upat zet mi mithianghlim pawl sungih pakhat a si mi Assisi ih St. Francis (St. Francis of Assisi) thihnak kum 800 kim hngilh lonak puai hrangah leitlun hmuntin ih khawmzawhtu thawngziat hang lo hmuak dingah timtuah rero a si.
St. Francis ih nunram le hmin thawn thukzet in a pehpar mi cui khuapi ah ton dah lo mi thinlung thathawhnak le hlawptlo nak pawl hmuh a si.
St. Francis cu Italy ramih hminthang zet mi mithianghlim a si.
Tuikum ih hngilh lonak puai cu a danglam hleice.
Italy President Sergio Mattarella cu Eucharist Missa raithawinak caanserh le Italy ram zaten thlacamnak ih meisa vannak caanserh ah a tel ding a si.
Cuihleiah Assisi ih St. Francis ih Sacred Convent ih Loggia hmun in ram mi pawl hnen thusimnak le cahnak khal a sim ding a si. Bologna ih Archbishop a si mi Cardinal Matteo Zuppi, in
“Franciscan kum 800 kim hngilh lonak khual tlawnnak cu hmun khat ten a cem tiang hmang thei ding cu a thupi bik mi a hrampi hnen thleng dingah a man khung zet mi caan tha pakhat a si.
Hi mi cu St. Francis a mah rori a nun lai ih in hmuh mi unau thinlung nei dingah a si ih ramri pawl, thleidan um lo in mitin hrangah a si tiah a sim.
Cardinal Zuppi in pehbet in “Italy, Europe thawn hriamhrei ret dingah an fiang hrih lo dinhmun a si ih leitlun pumpi in St.Francis hnen ap a si.
Amah ih thlacam dilnak in minung pawl ih thinlung thleng nak le a thupi mi thubawhcahnak pawl raltha in thang phawk hram seh” tiah a rak sim.
Assisi–Nocera Umbra–Gualdo Tadino le Foligno diocese pawl ih Bishop Monsignor Felice Accrocca khal in ” hriamhrei um lo mi remdaihnak thlentu” a si mi St.Francis cu tuisan ralbuainak pawl ih thil a hrangih mi hrek pawl in ralkap thazaang langter dingah thintha tho zet ih a um mi leilungpi hrangah sim ding tampi a um lai thu a rak sim.
Hi mi thuthang cu Shalom world news in kan ngan mi a si.
