RVA Falam Service, September 19, 2026.
Pope Leo XIV cu November 6 in 8 tiang Uruguay ram ah Tuukhal khual tlawnnak nei ding a si ruangah cui khual tlawnnak hlan ah Uruguay ih Bishop pawl cu Rome khuapi ah Ad Limina Apostolorum khualtlawnnak ah an rak thleng. Uruguay ram vekin biaknak lam ruahnak a mal mi minung pawlkom ah Khrih kha au in tetti khan dingah Pawlpi dinhmun in ziangtivekin tuah ding ti khal cu Bishop pawl in relnak an rak nei.
“Kan ton mi dinhmun phunphun ah Gospel thuthangtha kha ziangtivekin ka than ih kan rel pei” tiah
A Florida diocese ih Bishop Alfonso Bauer in Uruguay bishop pawl ih thinphannak pakhat khal an rak langter.
Biaknak lamah ruahnak a mal mi Latin America ram pakhat a si mi Uruguay ah Pawlpi cu Gospel thuthangtha kha minung pawl ih nunram ah tamdeuh in langsar dingah minung tampi pawl thawn feh thlang thei dingah tidaan thar pawl kha hawl rero a si.
Bishop Bauer le Salto diocese ih Bishop Arturo Fajardo tei khal in Vatican pehthlaihnak zung an thlen lai ah an mai diocese dinhmun pawl thawn Uruguay Pawlpi ton rero mi mission hnatuan nak ih harsatnak pawl thu Vatican News thawn reltlangnak khal an rak nei.
September 14 in 19 tiang Uruguay bishop pawl cu Rome khuapi ah Ad Limina khual tlawnnak (kumnga veikhat bishop pawl ih vatican an tlawnnak) an nei ih Rome Curia ih ဌာန phunkim thawn tonnak , Pope Leo XIV thawn tonnak pawl a tel.An khual tlawnnak cemnak ah Assisi ah khawmzawh thlacamnak khal an feh ding a si.
Hi mi khual tlawnnak cu Pope ih Novber 6-8 tiang Uruguay ramih a Tuukhal khual tlawnnak thlen hlan ni malte duhah an tuah mia si.
Hi mi khualtlaennak cu Latin America ih tamdeuh a kau mi khualtlawnnak then khat a si ih Agentina le Peru ram khal ah tlawnnak a nei ding a si.
Atui Ad Limina khualtlawnnak cu bishop pawl ih diocese dinhmun pawl ah hmun khat ten bangran ten ruatsal dingah le leitlun thawn pehpar mi Pawlpi ih hmuhton mi pawl thawn tahthim riat dingah caan tha a pe a si.
Bishop Bauer hrang khal ah hi mi cu Florida bishop dinhmun ih tuanvo pek a si hnu a hmaisabik Ad Limina khual tlawnnak a si.
Bishop tuanvo pek a si hnu reilo te ah Florida le Durazno ih um mi Pawlpi kiangkap ah fehin mitampi ih dinhmun pawl a rak ngai sak.
Curuangah Pathian ih aw ngainak le midang ih aw ngaisaknak cu a mai bishop tuannak ah a thupi mi pakhat ah a cang.
Hi mi thuthang cu Vatican thuthangin a tawi zawngin kan ngan mi a si.
See less
