Kan dung niruk ni Indonesia ah 7.7 pin in nasa tak in ling a hnin ruang ah mi tam pi cu harsatnak an tong. Cui harsatnak tongtu pawl bawmnak pe ding in Catholic Caritas phuaih pawl cun an ramsung ih bawmnak pe tu pawl komkhawm in an thok rero

Indonesia ih Caritas pawl cun hi mi harsatnak tong tu pawl bawmnak pek ding dan tawl rel ding in zamrangten Dioceses panga pawl thawn pehtlaihawknak an tuah.

“Indonesia ih Executive Director Fr. Freddy Rante Taruk cun Indonesia ih Caritas cun Indonesia ih ni suahnak lam Nusa Tenggara ih linghnin rapthlak za ruang ah harnak a tuartu pawl, zamrang zet in bawmnak pe ding cu Catholic Kawhhran ih tuanvo” a si tin a ti.

Cu le Caritas cun a dang phuaih pawl thawn khal tuan tlang ding in pehtlaihawk nak an tuah. “Tu tiang ah cun kan ti thei tawk in harsat nak a tuar tu pawl kha a dang himnak hmun ah an thawn thei nak ding ah an tul mi pawl kha theitawk in an bawm tin a sim.

Hi mi bawmnak tuah mi cu “Kawhhran ih hruai nak ah hmunkhat ten” ti mi tang ah thin khat lung khat ten u le nau sinak thinlung thawn kan tuan a si.

A tulbik mi pawl

Tu ih an tul bik mi thil pawl cu, in-ei, tidai, umnak ding thlam le sii vai ti vek hi a si. Cun naupai , midam lo pawl, nauhak le mibang lo pawl tla an si. Caritas cun, thuthang fiang te in kan ngah thei nak ding ah parish hmun dang dang pawl thawn pehtlaihawknak kan tuah. A hleice in linghnin hnu ih a cangthei mi le thuhman lo theihter awk nak in harsat nak a tuar tu pawl ih thinlung a ti buai ter ih thinphannak a pek thei.  Fr. Freddy in Kawhhran ih cangvaihnak cu Caritas lawng si lo in Kawhhran sung tel za te ih tel ding a si.

Curuangah,  “Awkhat te in” timi hi Catholic kawhhran ih mibawmnak lam cangvaihnak ding hrang ah lam in hmuh tu kan lungput ding mi a si.  Diocese pawl, parish pawl, Caritas team pawl, pumpe hnatuan tu pawl le a dang pawlpi sung ah hnatuan tu pawl thawn a si thei tawk in a tul bik mi pawl bawm thei ding in tuantlang ding. 

Vatican news sung ihsin ngah mi thuthang a si.