Cetzung pawl ih an hlon mi hnawmhme, thibal pawl umnak hmun ih hmuh mi thihtheinak pethei tu (tur) thil pawl, ramnung pawl khal harsatnak pe thei tu thil thu pawl tla ruah ding a si.  

Kumtinten ti ding tluk ih an hlon mi thilri pawl cu cetzung lam ihsin a thar in an suahsal theu. Cumi an suah mi tam sawn cu ramnung pawl hrangah thathnemnak um lo mi thil tam pi a um, cu le tur nei mi thil tam pi a tel. Cun tihnungza ဓါတ်ရောင်ခြည် pawl tla a tel.

Cumi pawl cu cetzung, hnatuan nak zung, sumdawnnak hnatuan, innsaknak lam, innhlun pawl balsal nak, siipeknak siizung, electronic (meisa hri) lam hnatuan nak le cetzung hnatuannak zung pi pawl ihsin hlon mi thil pawl an si.

Kan umnak leilung pi cu a rei vivo ih hnawmhlon nak hmun pi thawn a bang deuhdeuh. A hlan ah cun leitlun hmun tin kim ih a rak mawi zet mi ram le fing tlang pawl tla hnawmhlon nak hmun pi vek ah a cang tin kum upa pawl in an phunzai theu.

Cetzung lam ihsin hlon mi thil pawl, khuapi pawl le thingfa cinnak ih an hman mi dawm pawl ihsin a suak mi tur (that thei tu) pawl cu a mal vek nan, khuasung ih um mi pawl ih taksa sungah an lut. Tuletu ti ding khop in Minung pawl ih natnak cu damtheih lo dinhmun tiang thleng in tuanvo nei tu pawl in a hlankhan ih humhimnak, timtuahnak an nei lo tiah hmuh a si.

Laudato Si’ no. 21