Nikhua a hlumtuknak in carbon cycle a her ter.   Himi cun boruak/dinhmun a besia ter sinsin ih minung pawl ih tulbikmi tidai ti vek pawl tla a siatsuah. A hlumnak hmunram ah thlaici tla a siatsuah, Leipar um mi ramnung phun dang hrekkhat pawl tla an ci a mit ter thei.

Nikhuasat ruangah tikhal um nak hmun (Polar ice caps) le tlangsannak phairawn hmun ih  tikhal an zup ruang ah tihnung zet mi miting (methane gas) dat pawl tampi a suak ter thei. A khal theh mi organic thil pawl an kuai theh ding ih (ramsa pawl ih ruak pawl tla an hun puang/lang sal), carbon dioxide tam pi a suah ter thei.

Hihnak ih a zual deuh mi cu, tikcu thlengawknak a kham thei tu thingkung pawl kha khuahlumnak hmun ram pawl ah an um nawn lo hi a poi bik mi a si. Carbon dioxide thianglo ruang ah tipithuanthum ah Acid dat pawl a tam sinsin ih ti sung um mi ramnung le ei -in ding mi pawl tla a siatsuah theh.

Hiti ih santiluan vek ih a um vivo ah cun, tui kum zabi a cem hlan ah nasazet in tikcu thlengawknak ruang ah tihnungza thil pawl kan tong ding ti theih a si.

Leitlun  mipum then li then khat (¼ ) cu tifinriat kiangkap deuh ih um an si, khuapi deuh pawl khal an um tam.  Tidai a hung kai/than ah cun an hrang tihnung za dinhmun thil thleng thei a si.

Laudato Si’ no 24