Kiangkap thianfai lo nak kha kan nitin nunak kan tong theu asi. Kiangkap thianfai lo nak ruangah a hleice mi farah harsa pawl hrangah harhdamnak thawn pehpar in hnaihnok nak phunphun hmuh theih a si ih, curuangah minung tang tampi cu kum no te in mual a liam tu pawl kan hmu thei a si. Tahthimnak ih kan sim a si le minung pawl cu rawl kan suan tikah siseh, itnak khaan hlum dingih hlumter nak ceih ruangah siseh, kan hmanmi ziinaan ihsin a suak mi meikhu pawl kan hup ngah tikah kan harhdamnak a siat suah a si.

Mi zaten kan tuar mi kiangkap thianfai lonak kan sim asile khualtlawn tikih kan hman mi motor pawl le ceih zungpi ihsin a suak mi meikhu pawl, ziinaan sungih a lut mi Chemical thilri pawl, a thiangfai lo mi tidai pawl, dawm pawl, thilqhatnak si a phunphun pawl an si.

Sumdawn tu pawl hrangih thathnennak a pek thei mi thil hrekkhat pawl kha kiangkap harsatnak zaten a remcang ter thei tu a si tin an ti konan a ngaingai ahcun cupawl cu harsatnak thawn an pehawk dan hmu thiam loin veikhat veihnih harsatnak pakhat hloral dingih kan hman mi tidaan cu a dang harsatnak thar a suak ter tu lawng an si.

Laudato Si’ no 20