Kanza te hrangah kan um nak inn asi mi leitlunpi cu kilhim dingin zamrang ten tuah dingmi co nak pawl cu leitlun ih innsang pi a si mi minung pawl kha pawlkom terin leitlun kiangkakp dinhmun hrang a tuahsak thei tu thanso dan lamzin a phunphun kha hawl ih tuah asile thil dinhmun pawl a thleng aw ding tin zum nak kan nei asi.

 Sersiam tu Pathian cun kan mah pawl kha in taan ta lo. Pathian cun  a zangfah nak, a mi duhsak nak thawn leilung hrang ih a tumtah mi hnatuan kha taan nak, minung in rak sersiam ruangih sirawk nak zianghman a nei lo.

 Minung kan zate hrang ih kan um nak innpi asi mi kiangkap leilungpi a that sinsin thei nak ding hrangah tuan tlang dingah thazang kan nei asi.

 Hi hmun ah kan mah dinhmun in kan zate inn asi mi leilungpi kilkhawi nak ding hrang ti dan a phunphun in a zuam rero tu pawl kha theihsak nak kan pe asi. Tha ka lo pek duh, lungawi thu ka lo sim duh. Hi tuah nak thawn pehpar in upat tlak zet le hleice zet ih lungawi thu ka sim duh mi pawl cu kiangkap siatral nak ruangih a ra suak mi siat nak kha a tong tam bik tu leitlun miharsa pawl dinhmun kha va thensak dingin cawl lo ih a tuan rero tu pawl kha asi.

 San thar mino pawl cu thlengawk nak tuah dingah dil nak an nei theu. Leitlun siat ral nak thawn pehpar mi buai nak pawl hnon a tuar mi pawl ih an ton rero mi harsat nak pawl kha ruahsak lo, relfiang lo, a mawi zet mi hmailam caan kha kan lo tuah sak ding ti a au rero tu pawl cu ziangvek in in tuah sak thei ding tin mino pawl in thusuh nak an rak nei asi.

Laudato Si’ no 13