Pope Leo XIV in China le nisuahnak a laifannak hmun ih Christian pawl hrang thlacam sak.(May 24, 2026)
Zarhpi sun Regina Caeli thlacamnak thehah Pope Leo XIV in China ram ih um mi Pawlpi hrang thlacam ni World Day of Prayer for the Church ni ah China kha mangsal in a rak sim. Pope in hi thlacamnak ni cu “Christian pawl bawmtu Maria “Blessed Virgin Mary Help of Christians) ih puai ni thawn a pehpar awk thu a langter. Hi mi Bawinu Maria cu Shrine of Sheshan ah “a thuk zet mi zumnak”in an upat cio thu khal a rak langter.
Curuangah Pope Leo XIV in China ram ih Christian pawl kha Bawinu ih kilhimnak hnuaiah a ap ih an mai Thuthangtha simnak ah pehbet in tetti khan thei cio hram hai seh” tiah a rak sim.
Pope Leo XIV in “China ram ih Catholic zumtu pawl hrang ka duhdawtnak le leitlun thawn pehpar mi Pawlpi le Peter thawn pehzom mi Pawlpi thawn pehtlaih in pehzom thei dingah kha kan mai thlacamnak pawl le an mai thlacamnak thawn kom tlang uh si” tiah a rak sim.
Vancung Siangpahrang Bawinu ih thlacamsak nak in China ram ih zumtu pawl cu lungrualnak thlawhsuah an ngah ih nitin harsatnak sungah Gospel thuthangtha kha tettikhan thei nak thazaang mitin in ngah hram hai seh. Cuihlei ah anmah paw cu ruahsannak le renmdaihnak ih thlaici pawl si thei dingah” tiah thla a rak cam sak.
Ahleicein China saklam ah kan dung naite ah a cang mi khur (thil mankhung pawl ngahnak) lai ih cangsualnak ah nunnak cemtu pawl hrangah kumkhua nunnuamnak ngah dingah thla ka cam sak tiah a rak sim.
Cuihnuah Pope Leo XIV in “Khristian pawl bawmtu Maria” hnen thla a rak cam sakih ralbuai nak ruangih thinnatnak tuartu Holy Land, Lebanon le nisuahnak a laifannak hmun ih Christian pawl khal Bawinu hnenah a rak ap. Hi mi thuthang cu Vatican thuthang in kan ngan mi asi.
