Ziaza tha thawn kan tuah mi cu kan mai man a si. RVA Falam Service, May 3, 2026.
Sumpai ih man in a langsarter mi cu numbat pawl ah a um. Minung pawl ih man neihnak cu nun can ziaza tha thawi tuah mi ah a um asi. Minung pakhat ih man ti mi cu paisa neih le neih lo ah zianghman a pheh par aw. Minung ih man neih zia cu paisa in lei a theih lo, nun can ziaza tha khal paisa ih lei theih mi khal a si lo. Thingkung kawi zet cu hmuh a ol ko nan minung thinlung kawi mi cu ol ten hmuh a thei lo.
Mihrek khat in an thinlungsungih a kawi mi a tha lo mi kha minung ih hmuh thei lo dingin ti aw ter in tuahnak pawl thawn an hup theu.
A ngaingai ih tlaitluannak thinlung cu sunglam in a ra. Cun ziaza tha ngaingai khal thinlung sungih a suak mi asi. Thinlung thianfainak thawn tuah mi in ziazatha a suah ter. Curuangah minung pakhat ih a man hla zetnak bik cu thinlung muril hi a si. Thinlung thiangfai tu pawl cu ziaza tha a nei tu pawl khal an si.
Midang parah iksik nak, thinlung tha lo neihnak pawl hrialnak in kan thinlung kha thianfai tlang uh si. Thinlung iksiknak le hamtamnak in khat le khat pehtlaih awknak, khat le khat rinsanawknak le lungrualnak pawl a siat ter a si. Hi thinlung in minung khat le khat a siatsuah bik a si.
With respect -crd
