Pope Leo XIV in April thla hrangih thlacam tumtah mi cu “Harsatnak a tong rero tu Puithiam pawl hrang” thlacam dingah tumtah.(March 31, 2026)
Pope Leo in leitlun hmun kip ih a um mi Catholic Puithiam pawl hrang April thla sung amah thawn harsatnak a tong rero tu Puithiam pawl hrang thlacam dingah a rak sawm. Amah in Tlawngkai nihnih ni ih thlah mi “Pray with the Pope” Video ah a rak thlah ih cu mi cu Pope’s Worldwide Prayer Network in timtuah ih thlah mi asi.
A thlacamnak sungah Pope Leo XIV in Puithiam pawl zate hrangah Pathian hnenah a rak ap ih a hleice in harsatnak a tongtu pawl hrangah thla a rak cam sak. “Mah lawng um nak ih harsatnak an neih caanah, rinhlelnak phun kim in thinlung sungih a khuh caanah, thabangnak cu ruahsannak hnak in tha tam sawn vekih ruah caan ah tiah a rak sim.
Pope in a sim mi cu Pathian in Puithiam pawl ih harsatnak pawl le hriamhma pawl kha a thei ih an mah pawl cu “a menmen ih riantuan tu pawl lole mahte lawng umnak ih miral tha ti lawng silo in “tangdornak thawn duhnung za dungthluntu pawl” dinhmun in Pathian ih a cemthei lo mi duhdawtnak kha cohlang thei dingah an zuam rero asi tiah a rak sim.
Aw duhnung tuk mi Pa Pathian, kan mah pawl cu pawlkom dinhmun in Puithiam pawl kilveng ih zoh thiam dingah in zirh aw. Thuthennak um lo in ngai sak thiamnak, lungawi thu sim thiam dingah, ttong le tuahnak in Pathian ram karh dingah, an mah thawn hlawm tlang dingah, naihniamnak le thlacamnak in an mah pawl bawm ringring thei dingah Pope in a rak sawm.
Pope Leo in “kan mah in bawm theu tu Puithiam pawl kha Catholic Christian pawl in thape dingah a rak sawm. Pope in thiangthlarau in “kan Puithiam pawl lakah Gospel thuthangtha ih a nuamzia kha a thar in meialh in bangin tleu ter hram seh” tiah thla a rak cam sak.
“Ziang tin kimah ruahsannak vekin thil a hungcan lo tik caan khalah hnihsuahsaih thiam thei dingah, a harhdam mi rualpi pehtlaihnak pawl, unau vekin khat le khat bawmawk tonnak ngah dingah an mai kawhnak kha a thar in hawl thiam thei dingah tha a pe thei tu zaangfah lainatnak kha pe hram seh” tiah a rak sim.
Pope Leo in a cemnakah” an mah pawl cu Bawipa an zumnak kha ziangtik lai caan khal sung hram hlah hai seh, tangdor in a terhsiang mi thinlung thawn Bawipa in Pawlpi rian nak ih nuamnak khal sung hram hlah hai seh” tiah thla a rak cam sak.
Pope thawn thlacam dingah
Pope Leo XIV ih thlacamnak,
Aw Jesuh, a tha mi Tuukhal tha le kan khualtlawnnak ih a tel tu tui niah kan zaten Puithiam pawl zaten na kut sungah kan lo ap a si.
A hleice in harsatnak a tongtu pawl, mahte lawng umnak in mi a nen lai caan ah, rinhlelnak in an thinlung a khuh caanah, thabangnak cu ruahsannak hnakin a tha a tam vekih a um caanah, an harsatnak pawl le hriamhma pawl kha a thei tu Bawipa, an sungih nangmai a cem theilo mi duhdawtnak kha an thinlung a thar in run remsak aw. Anmah pawl cu tuanvo menmen a phurtu pawl lole mahte lawng hrangih miral tha silo in duhdawtnak a ngahtu fapa pawl, tangdornak in duhdawt nak a ngah tu thuthluntu pawl, an mipi pawl ih thlacamnak in bom a si mi Tuukhal tu pawl an sithu run thei ter aw. A tha mi Pa Pathian, kan mah cu pawlkom dinhmun in Puithiam pawl zohthiam thei dingin in zirh aw. Thuthennak umlo in ngaisak thei dingah, famkimnak dil lo in lungawi thu sim thiam dingah, ttongnak le tuannak in Gospel thuthangtha hlawm thiam dingah, naihniamnak le thlacamnak thawn an mah pawl bawm thiam dingah, kan mah in bawm theutu pawl kha kan ni khal in bawmnak pe thei hram uh si.
Thiangthlarau Pathian, kan Puithiam pawl hnenah Gospel thuthangtha ih nuamnak kha pe awla run tleu ter aw. A harhdam mi rualpi pawlkomnak pawl, unau vekin khat le khat bawmnak run pe aw. An ruahnak vekin thil a can lo caan khal ah hnihsuah sai thiamnak thinlung nei dingah run bawm aw. Pathian ih kawhnak an ngah nak ih mawinak kha hawl ringring thei dingah ruun zaangfah hram aw. An mah pawl cu na par ih an zumnak kha ziangtik lai caan khal ah hlo ter hlah aw. Tangdornak le a tirhsiang mi thinlung thawn na Pawlpi kha riannak ih nuamnak khal run hlo ter hram hlah aw. Hi mi cu Vatican news in a tawizawng le a remcang thei bik dingin kan ngan mi a si.
