France ram Metz khuapi ih um Robert Schuman Conference Center ah biaknak phunkim in aiawhtu pawl thawn an tonawknak ah Pope in biaknak pakhat le pakhat karlak ah thurel tlangnak (interreligious dialogue)  ih thupit zia thupit in a rak sim.

Pathian ih hmin kha minung siatsuahnak lole hremnak pawl kha puhmawh dingah ziangtik hman ah hman lo ding a si thu khal a rak sim.

Pope in European Union din nak ih athupi mi pakhat a si mi

Upat tlak (Venerable) Robert Schuman ih ro kha mangsal in arak sim.

Schuman cu zumnak le ruahsan a hnget tu pakhat a si ih bangawk lonak karlakah lungrualnak a can ter tu, thenthekawknak kha ruahsannak ih lilawn dinhmun in a thleng tertu a si thu Pope in a rak sim.

Amai cawntlak mi ziaza thlun in zumnak neitu nunau, mipa pawl dinhmun in kan mai tuah lo thei lo a simi tuanvo cu rikhiah lan in khat le khat tonawk a theih thu thianrualtha sinak din a theih thu le remdaihnak hawl a theih thu tetti khan dingah a si” tiah Pope in a rak sim.

Cuihleiah nunnak cemzo tu Pope Francis ih Fratelli Tutti ca pi khal a rak sawh khih ih biaknak karlakah thureltlangnak tuah dingah a rak forhfial mi kha a thar in a rak sim.

Pope in ” thureltlang le thu ruahawknak cu kan mai neih mi thu hminsin theinak a malter lo a si.

Pope in midang pawl hrangah kan mah le mah tlaitluang zetin kan tuah nakin kan thuhminsin nak kha tlaituannak le thudik langternak in a langter mi a si tiah a rak sim.

Thurel tlangnak cu ” tonawknak ih thliti theinak fimnak ” a si ih tuini leilungpi ah a tul tuk thu, cutivekih tonawknak cu ralawknak le tuahmawhnak pawlih ral a si thu khal a rak sim.

Pathian ih hmin thawn tuahmawhawknak.

Pope Leo in a fiang zet mi ttongkm thawn ” tuahsiatawknak lole nehniamawknak kha thupit dingah Pathian ih hmin tuahnak cu Pathian hming kha thangsiat a si.

Minung sinak a siat ter thei mi ziang thu khal Pathian hnen in a ra tiah kan ti thei lo” tiah a rak sim.

Zumtu tinah thinlung le ttongfang pawl kha hriamhrei ret dingah san a nei mi biaknak lam thurel tlangnak pawl ah mah rori tel dingah tuanvo neih a si thu khal a rak forhfial.

Biaknak cu nunram ig a manhla bik mi kha ngemhnget a si ruangah nunnak kil tu pawl an si thuPope in arak sim.

Ahleice in thanau ih siatsuah ol tu pawlih lamah dinpi tikah biaknak ih a rahsuak mi kha langsar zetin hmuh a theih thu a rak sum.

“Nunphung pakhat ih thupitnak kha cu mi ih langsuak mi thiltuahsuaknak pawl in tah a silo ih minung pakhat ciar kha ziangtin ngaihsak, humhim ih na khaisang tin tah a si ding.”

Nunnak riannak ti mi cu ahleice in harsatnak karlakah minung nunnak ngaihsaknak, umpinak le nemten duhdawtnak langternak pawl thawn kulhnak khal a si thu a rak sim.

Cutivekih tuahnak kha a upat mi a lungrual mi kiangkap le pawlkom dindingah a si.

Netabikah Metz ih ara khawmawtu biaknak aiawhtu pawl hnen Pope in Catholic Kawhhran dinhmun in ” thudik , thathnemnak le mawinak pawl kha a menmen ten a hawltu poh kha khualtlawnak lamtluan ih rualpi pawl tin ngamhnget a si thu amahkhan in a rak sim.

Pathian ih cem ni neilo thatnak thawn a tel ih Bawipai fale pawl dinhmun in tamdeuh in nung thei dingah le khat khat rualpi pawl dinhmun in nung thei dingah in zirh hram seh.”

tiah a rak sim.

Hi mi thuthang cu Vatican thuthang in kan ngan mi a si.