RVA Falam Service/ September 26, 2026
Mino mipum 80000 pawl ih zanlam thlacamnak, thurel tlangnak le daite in Pathian thu ruahnak caanserh hmannak cu Pope Leo XIV thawn an rak nei.
Mino pawl thawn thu an suhawknak ah an mai nunram thawn pehpar mi thusuhnak pawl kha Pope in thupit in a rak sim.
Midang pawl kha upat lonak can ter lo in mai zumnak ziangtin ka nunpi ih tetti ka khan thei ding?
Mai nunramih lamzin kha ziangtivekin ka hawl thei ding.?tihphannak le hmunhnget lo nak pawl kha ziangtin ka pah tlang thei ding ti mi thusuhnak a si.
Île-de-France Chloé thawn an rel tlangnak ah Pope in ” kan mai kan than duh mi khrih kha tettikhan nak dungah le kan thuthangtha cohlangtu pawl kan duhdawt lo a ngah lo tiah a rak sim. Zumnak bangaw lo tu pawl thawn unau suak khat vekin pehtlaihnak dinnak cu minung pawl kom dinnak ah a bom thu Pope in thupit in a rak sim. Mino pakhat sungih François in thanau tu pawl lam in a dinpi duhtu mino pawlih duhnak, Pawlpi par ih an duhnak pawl khal a rak sim.
Mai nunram ih lamzin kha hlo ter lo in, thinnau lo in ziangtin kan hawl thei ding ti mi thusuh nak thawn pehpar in Pope in thlacamnak , biaknak le a takin tuahnak, daite ih Pathian thu ngainak le thuthangtha simnak pawl cu lamzin then thiam dingah a thupi mi ti daan pawl a si thu a rak sim.
Cui hnuah mino pawl hrangah a thlai tluang mi thlacam nak ttongfang pakhat khal a rak pe.
” Jesuh Bawipa ih duhdawtnak hrangah kan lungawi.”
Zalennak le duhdawtnak.
Pope ih ruah ding mi a peknak ah zalennak kha thupit in a rak sim.
1 Timote sungih ttongfang a si mi hrial ding, zuam ding, satan ral do dingah mino pawl a rak pe. Ziang hmuahhmuah neih duhnak khal netabik ah cun zianghman nei lo mi nunram, like pawl tampi ngah a si khal le mah lawngte a si mi nunram pungsan khal ralrinnak a rak sim.
Pope in ” thil tha hrilnak cu a hman mi zalennak ih tuahnak a si” tiah a rak sim.
Chtistian pawl cu kawhnak kan ngah mi raldonak cu midang pawl ral dingah a silo thu ” kan mai pakhat lawng a si mi hriamhrei cu a pe aw mi duhdawtnak a si tin a rak sim. Netabikah mino minung 80000 hnen ” hi thuthangtha ih a tleu mi tetti khantu pawl si hram uh” tiah Pope Leo XIV in a rak forhfial. Hi thuthang cu Pope Leo ih France ram a fehnak ah mino pawl hnen a cah mi thusungin kan run ngan mi a si.
See less
