Nauhak duhzulh luantuknak ih that lo nak thu.

Nauhak duhzulh luantuknak cu caan malte sung hrangah cun Nu le nauhak hrangah cun a kaih ko ding nan, a rei hnuah cun nauhak ih thinlung lam, nunphung lam le daan lamah thlun theinak a nei mal a si.     

Nauhak duhzulhtuknak ih that lonak pawl cu

• Daan nei lo ih umnak, nauhak cu nulepa in ri nei lo ih duhdawtnak kha caan tha ah an hmang ih daan nei lo ah na cang theu. Eg. Daan an pah tikah zianghman sim lo ih umnak ti vek a si.
• Nunphung lam harsatnak,

Midang pawl ih duhnak kha upat ding, thinsau dingah an harsa ih an mah lawng kha thupit ih ruah awknak thinlung a cang ter a si.

• Thinlung ruahnak kilveng thei lonak,

An duhnak a tlin lo tikah olai ten an thin hengnak le thinnaunak pawl a cang thei a si.

• Tuanvo lak dungnak an nei lo,

Nulepa pawl in an harsatnak pawl an ti sak ringring ruangah an mai ti palhnak pawl in zir thiamnak a mal ter a si,

• Ziangtin tawl rel ding?

A tawkzawn in ret aw. Nauhak ih duhnak le tulnak kha thleidang thiam dingin tuah sak aw. Tahthimnak ah harhdamnak thawn a kaih lo mi in le ei pawl luartuk in pe hlah.

• An thlun ding mi daan tuah sak aw.

A ol mi daan pawl tahthimnakah အိမ်စာ theh hlan ah leh a ngah lo ti mi pawl kha a cekci in tuahsak aw.

• Thei thiam thei dingin zirh aw. A ngah lo ti mi sim an har a sile tahthimnak thawn sim fiang aw. ( tahthimnakah tuisunah hi hmuk lole thildang pahnih lawng na ei ding) ti vek phun in zirh ding asi.
• Tuanvo la thiam dingin zirh aw. An kum ih zir in inn lam hnatuan pawl (Tahthimnakah an lehnak pawl ret sal thiam dingin zirh an tul.)
• An parah lom caan a um vekin an palhnak ah an palhnak thei dingin zirh aw. Thil tha an tuah mi parah lawm awla an tuah palh mi parah rem in thei thiam dingah zir an tul.
• Nulepa mah rori an zohthim ding mi si a tul.

Nauhak pawl cu nulepa ih tuah daan kha an cawng theu. Thinsaunak, daan thlunnak pawl kha mah rori ih tuah fel a tul.

• A thupi mi cu duhdawtnak le an thlun ding mi daan kha bangran ten ret sak aw. Nauhak kha duhdawt lo ih sual puh hnakin duhdawt in lam zin hman hmuh kha a tha deuh.
• Duhzulh luantuknak cu nauhak hrangah hmai lam ih an ton ding mi harsatnak pawl kha laksawngah na pek rero lam kha mang ringring aw.
• Nauhak ih thinlung ruah daan pawl theih thiamsak phah in, cu mi lawng silo in minung pawlkom lakah thaten um thiam dingah tungding aw tiah forhfial ka duh a si.

#trhoney