Zirhtu Saya dinhmun ih umtu pawl ih hrial ding mi nuntu zia.
1, Mai zirh mi khan sung daiten a um theinak dingah cabuai cum pang hlah. Nauhak pawl cu an dai leh ko ding. Tlawngta pawl an lungkim tuk lo ruangah a si. a dang khan pawl hrangah hnaihnoknak a suah ter.
2, Thingheng ruangah cazirnak khan in suak pang hlah. Cazir a duh zettu nahuak an thin a nau ta pang ding. Ca zir paih lo tu nauhak pawl an nuam aw thup pang ding.
3, Nauhak pawl kha aw ka hrang zet in nun sim pang hlah. Kawknak aw le a ca zir ih man hlat zia zianghmah a peh par awlo.
4, Nauhak pawl thil sual an tuah ngah pang tikah an nulepa sim lohli hlah, nauhak pawl in an duh lo vekin nulepa pawl khal in an duh lo.
5, Mi hmaiah nauhak pawl kha ningzak dingin nun sim pang hlah, nauhak pawl an thin a nau ta thei ih huat awknak a suah ter.
6, Nauhak pawl nunsim tikah a hlan ih an tuah palh mi a thar in sim sal hlah, a tui dinhmun ih an tuah mi lawng kha sim aw. A hlan ta pawl kha tuletu sim salnak in sualnak tuah dingah thar thawh sal thawn a bang aw a si.
7, Nauhak pawl ih palhnak kha tum deuh dingin tuah pang hlah, thil malte an ei ngah pang mi tu le tu va sim pang hlah.
8, Tlawngta pakhat ih hmaiah a dang tlawngta pakhat ih sualnak sim pang hlah, mi mawhnak sim tamtuk nak cu mithu sia rel tamtuk thawn a bangaw cu mi cu Saya dinhmun ah a si thei lo.
9, Nautatnak, zohnep phun in sim pang hlah, zo vek tlawngta khal na thinsungah zoh niam pang hlah. Na nautat pang a sile an tuar ta thei a si.
10, Nauhak ih ngah mi a hmat lawngin nauhak kha va thlei dang pang hlah. Nuntu zia kha a thupi sawn.
11, Nauhak nun na sim a sile nauhak in taksa lam ih thanaunak le an sungkua ih tha naunak kha va telh pang hlah, thahthimnak ah na nu le pa thawn nan bang aw ti phun in va sim hlah.
12, Aleng lam ih thinhengnak kha tlawngkhan sungah luhpi hlah, inn lam le thu dang ih thinhengnak kha nau tlawngta pawl hnen cawhkuan peknak tuah ngah pang hlah.
13, Tlawngta pawl hmaiah Saya dang pawl ih that lonak thu sim pang hlah. Mai ruah daan thawn mi dang kha mawh thluk ngah pang a sile zo hrang hmanah that hnemnak a um lo a si.
14, nauhak kha ca na zirh tikah paih lemlo in va zirh pang hlah, cazirh tikah duhsak nak thawn zirh aw.
15, Nauhak pakhat ih duh nunnak kha ziang siar lo in um pang hlah. Nauhak in thatnak na hmuh a sile nauhak kha thangso dingah na kai hruai thei ding asi.
16, Ca lam ih a thiam mi nauhak pawl ih mawhnak kha thei lo vekin va um pang hlah, ziangvek sualnak a tuah khal le ca a thiam le tawk zo ti mi ruahnak va nei pang hlah. Nuncan ziaza hnak ih a thupi mi a um lo.
17, Nauhak kha Saya ih sin thok in an hmin thleng in ko pang hlah. Taksa ngo le dum ti phun in Kala le Tuluk ti vek phun in va ko pang hlah. Nauhak cu an mah hmin an nei cia zo. Saya ih cu ti a kawh le a dang nauhak pawl in an cawng dingih mi hmin kha mai duh daan ih kawh thei ah an ruat ngah pang ding. Zawi nulepa hrang khal ah a that lo vekin nauhak khal an upat tiang mai hmin lo kawh a si pang ding a si.
#suhmiat ( fimthiamnak)
