Nauhak kha Iksiknak thinlung nei lo dingin tungding aw.
Nunram lam tluan ah iksiknak a nei tuktu pawl cu tih an nung tuk theu.
Ka hua ti mi thinlung hnakin iksiknak thinlung kha a ling, a sa sawn ih midang siatsuah duhnak thu lawng tawlrel in khua an sa theu.
Iksiknak thinlung cu mi an dawtnak in thinnaunak le mi an hnahsiknak thinlungin a suak theu mi a si.
Mi an remcan lo caan ih lung rak awitu cu Iksiknak an neih tam tuk ruangah a si.
Tuisan mino ah nauhak pawl kha Iksiknak, thinnautuknak pawl nei lo dingah mah le mah tangdor in um thiam dingah zirh aw.
Culawngah a mawi deuh mi kiangkap kan din thei ding a si.
Iksiknak a neitu cun midang kha nautat le neh dingin a sim theu ih amah kha a tha bik dinhmun ah a tuah aw ih a ti awtir theu.ziangah tile an mah le an mah an rin hlel awk ruangah a si.
A kiangkap a zoh le mi a daw thei zet. Midang vekin a tuah thei lo ruangah a thin a heng theu.
Cuihnuah mi kha mawh a phurh in a soisel theu.
Curuangah mai tawkah lungkimnak thinlung thawn mai si daan vekin pom thiam dingah zirh a tul.
Iksiknak neih cun thih tiang thinlungah a kang, a ling ih thinlung a dai thei lo.
Minung pawl cu Iksiknak thinlung a tam tuk le beidonnak a suak theu.
Tidai a khat lo mi Bel kha cawi a sile a bung duh theu vekin Piasen khal pai cun an aw a suak theu.
Cuti a si ruangah mai fale, tuu le pawl kha Iksiknak thawn hlat aw dingah ralringten zirh awla thanglian ter aw.
Mai fale pawl kha kan zirh a tul a si. A hleice in Khrihtian innsang kan si ah cun kan zirh tengteng khal a tul mi a si.
