Veikhat laiah ram pakhat ah mifim pakhat a um.

Nikhat cu Siangpahrang hauhruang sungih tonkhawm nak an theh zawngah Siangpahrang pa in a kuthnuai pa cu a sut. “Minung pawl ah ziangmi a thupi bik” tin…a sut.

Mifim pacun “A hman siangpahrang bawipa mipakhat ah ziangmi a thupi bik ti le… hmuh a theih lo mi pawl kha a thupi sawn” tin a ti.

Siangpahrangpa cun “Ziangtin maw tin a sut.” Mifim pa cun “A ngaingai ih na theih duh a si le zuamawk nak puai pakhat in timlam sak aw” a ti.

Cutin Siangpahrang khal in a theih duh ruangah zuamawk nak puai pakhat a tuah sak.

Zuamawk nak ih daan cu… “Mai duh mi kha cawi in feh ding. An nemhnget nak hmun an thlen le natnak phunkim damnak thacak nak si khuat khat in ding a siih mai duh mi pakhat kha lak ding a si.

Cutin zuamawk nak an thawh tikah “A hmaisa bik upa pakhatin a dam lo mi nauhak pakhat kha a cawiih siikhuat um nak an thlen tikah nauhak pate cu a in ter. Nauhak cu cui sii a in theh veten a harhdam.

Mai Duh mi lak dingih an ret mi laksawng pawl sungin thilri pakhat kha an la. Kadipa puan hlum pakhat.

Neta pakhat cawi aw in an lut. Mipa pakhat in nunau pakhat kha a cawi ih an lut. Sii khuat an ret nak hmun an thlen tikah a hrek vevek an in. Laksawng cu hnakhaih an lei ih a nupi cu a khaih ter.

A veithum nak a zuam tu an lut ih hrihruai aw mi pahnih an si. Sii khuatret nak hmai an thleng tikah nang in awla na in theh le ka in ding tin an ti aw ih an in. An lak mi thilri cu sui khuat pahnih an lak.

Neita cawiaw in an lut lala. Mino pakhat in a tar zo mi micak lo te pakhat kha a cawi ih sii cu a in ter. Theh in thil mankhung pakhat an la.

Cutin zuamawk nak cu a cem. Siangpahrang pa in mifim pa kha a sut. “A sannak khuiah saw” tin.

Mifim pa cun tihzah zetin a sim. “Siangpahrang Bawipa thinlung thawn ruat in thluak thawn thu then aw.”

A hmaisa bikin a lut tu upa le nauhak cu tahthim theih lo mi duhdawtnak kha an lang ter.

A pahnih nak a lut tu cu duhaw mi pahnih ih duhdawt nak kha an lang ter ih nunau le miapa duhdawt awk nak kha a lang.

A pathum nak a lut tu hriaw te pahnih cu pakhat le pakhat rinumnak, zumnak kha a langter tu rualpi tha ih pomnak kha an lang ter.

Neta bik a lut tu mino le putar kha cu lungawi rulh thiam mi mifim mi thiam pawl ih an nun can ziaza kha an lang ter.

Siangpahrangpa in “Cu a sile khui mi kop a thupi bik” tin a sut.

Mifim pacun “Siangpahrang Bawipa na ke le na kut ziangmi kha a hlon ding?” tin ati.

Siangpahrang pa in “Zianghman ka hlon duh lo” a ti.

Siangpahrangpa na khuahmuh nak le na theih thei nak ah ziangmi na hlon sawn ding” tin a sut.

Zianghman ka hlawn lo ding na simmi pawl a fam kim thluh lawngah feh thei, lak thei, thei thei, hmu theih ding” tin a ti.

“Ahman Bawipa… cu vekthotho a si minung lak ih minung si dingkhal ah…

Hmaisa bik tuaikhat vekin duhdawtnak khal neih ding. A pahnih Nak kop khat vekin rinumnak nei mi duh nak khal neih ding. A pathum nak vekin rualpi tha thinlung khal neih ding. Neta bik kopkhat vekin lungawi rulh thiam nak thinlung tha khal neihding”

Curuangah mipakhat hrangih a thupi bik mi thil pawl cu mit thawn hmuh a theih lo mi thil pawl an si.”