April 27, 2025 ah Mithianghlim khaisannak ngahtu ding tuisan mino pawl ih zohthim tlak Carlo Acutis.
Carlo Acutis in “Pathian lam ih hmai hoihnak cu nuamnak a si ih mahlemah thupit awknak cu riahsiat za a si” tiah a rak sim. A thupi bikin tuisan a thangso zet mi Leitlunpi ah a siat ral thei mi mawinak pawl thawn sinak duhtuknak pawl phan a si ko nan kumkhua a hmun ding mi thlarau nunnak mawinak dingah zuamnak a mal thu kha Mithianghlim ih Khaisan ding mi Carlo Acutis in tha ten a rak thei. Curuangah hi Mithianghlim ih khaisan ding mi in thianhlimnak a kilhim ih zaangfahlainatnak hnatuan pawl, taksa kim lo pawl, kum upa pawl, innsang thennak ruangih thinlung lam harasatnak tuartu a rualpi pawl hnen rualpi tha a rak si tu a si thu khal thei a si.
Carlo Acutis cu Pathian thu a duh zet tu santhar nonawn a si ih a thupi bikin Bawipa thi le sa kha a rak duh zet tu le Bawipa thi le sa upatnak duhzettu a si thu thei a si. Computer lam ah thiam naltu a si ih Parish pawl ah Facebook page le Website pawl a rak dintu a si ih hlei ah a mai webite sungah Bawipai thi le sa mangbangza ih langnak pawl le Bawinu Maria ih mangbangza langnak pawl tetti khantu le thantu khal a si.
Carlo Acutis cu 3, 5, 1991 ah a Pa Antonia Salzano le a nu Andrea Acutis in a suak ih 12, 10, 2006, kum 15 a kimah thi cancer in a nunnak a rak cem. A thih hnu kum 14 a kimah a mah an vuinak thlan an phorh sal ih a ruangpi cu a rak siat lo kha an hmu a si. A hnen ih thla a camtu pawl khal damnak an ngah thu khal thei a si.
