SJA Sister pawl Hakha an thlennak kum 50 kim Jubilee lungawi thusimnak tuah theh ah thu zirnak nei.
Tualsung Thuthang,
SJA Sister pawl Hakha an thlennak kum 50 kim Jubilee lungawi thusimnak tuah theh ah thu zirnak nei.
St. Joseph Sister pawl in Hakha an thlennak kum 50 kim Goldren Jubilee puaipi cu March 19,2025 ni ah lungawi sopar ten St. Joseph Cathedral Biakinn pi ah Hakha Diocese hoha tu Bishop Lucius Hre Kung ih hohanak thawn Missa riathawinak tluangten an theh suak a si. Hi mi Pathian hnenih kum 50 kim lungawi thusimnak ah Puithiam 20 Sister 25 hrawng le Pathian thusimtu Saya pawl le zumtu mipi pawl thawn biakthawi nak tlungten tuah suak a si. Biakkhawmnak sungah Sister sungih upa a si mi Sister Theresa Philingyah in lungawi thu simnak le upat sunloihnak ca pawl siar a si. BiakKhawmnak theh ah khawmnak ih a tel tu zaten Jubilee thlasuah sunrawl einak nak an nei.
March 20, 2025 ni in Sister pawl cu Bible Cathianghlim sungih Prophet pawl ih thu Rev.Fr Lawrence Ling Maunh hnen ni ruk sung thu zirnak an neih hnuah KMSS sungtuan hnen in Save guarding thu ni thum sung zirnak an neih ih Sr. Anna Cing in Trauma healing nithum sung zirnak an nei a si. Thuzirnak cu April nihnihah lungawi ten an theh suak asi. Hi mi thuzirnak ah Sister pahra an tel thei tiah an sim. Hi mi Jubilee puai cangsuak dingin a tawlreltu zaten, sumpai in siseh, thlacamnak le thazaang thawn bomnak a petu zate parah kan Biak Cung Pathian in thlasuah malza lo sawm hram seh.
