A tam sawn cun neih dingih hril lo ding mi mipa pawl thu lawng sim theu a si ruangah tuai tum ahcun neih dingih hril lo dingmi nunau pawl thu ka run lang ter ding. Mi zo hman mi famkim kan um lo. Asinan mai nupi dingih hril ding a sile a hnuai lamih lang ter mi nunau (10) kha veitampi thuruat ciamciam in botcat a tul.
- Thinsia mi nunau
A ringring vekih thintawi, thinheng rero mi nunau kha na hmu dah ding. Hi vek nunau kha nupi dingih hril ngah a si le thinheng ding ti cu a hman mi a si.
- Duhham mi nunau
Duhham mi nunau pakhat na hril ngah a si le theihthiam sak duh nak thinlung zianghman a um lo ruangah a si. An nih cu an mai nom nak, hnangamnak lawng hmaisa bikah an hril ih an tuah theu. Hivek nunau kha na neih ding a si le na thinhar ding.
- Hlawnthil duh tuk tu nunau
Nunau tamsawn cu hlawnthil sunpai lawng an duh theu. Hi mi cu a daan vek a si sual nak pakhat khal a si lo. Asinan innsungsang, pasal, rinumnak, khua ruah thiam nak pawl kha a lan ih hlawnthil lawng a duh tuk tu nunau cu nupi tha pakhat a si thei lo ding.
- Mipa pawl thawi hnawihnih aw ringring tu nunau
Khaizang zetih cangvaih cu daitei um thiam lo mi thawn a bang aw lo. A hleice in hivek nunau cu mipa pawl thawn hnawihnih aw ih um kha an nuam aw. Hivek nuntu zia nei mi nunau pawl kha hril ngah a si le neih awk hnu khal ah buai nak tampi pawl kha tong a theih.
- Puai duh tuk tu nunau
Zoh mawi lo hnipuan pawl hruh ih puai timkim feh tu nunau kha na din hmun in kumkhua nupi si dingah na hril thei maw? Hivek puai duh tu nunau pawl cu nom nak lam luar tukin a duh tu nunau pawl an si.
- Khua ruah nak nei lo mi nunau aa
Nang cu hivek nunau na hril ngahih ziangtitluk in a par ah theihthiam nak pe thei tu na si hmanah fate neih tikah cu na fale pawl kha tha zetin nun na sim thei lo ding. Mai neih mi nunau cu nu tha pakhat a si thei, si thei lo ti mi kha ruah cih a tul.
- Mi ih ngaihsak nak ngah duh tu nunau
Nunau hrekkhat cu minung pawl ih ngaihsak nak kha ngah an duh. Hi cu nunau dan a si. Asinan tahnak pakhat aiih luan tiangih ler duh, ngaihsak duh nak pawl cu mipa pawl hrang ih theihthiam ding a har vekin hmuh mawilo pawl a cang thei.
- Mirel siat hmang tu nunau
Mipa pawl in mirel siat hmang tu nunau pawl kha an duh lo. Tawkzawn ih pasal khal nupi khal mipakhat thu kha veikhat veihnih ahcun an rel theu. Hi vek si lo in hmuh ton mi pohpoh mipakhat thu kha relsia soisel rero ih caan a cem mi nunau pawl khacu thin beidong za an si.
- Tiamkam nak nei kilhim thiam lo tu nunau
Hivek nunau pawl cu thuhla pakhatkhat, (Tahthiam nak ah – hnatuan, tlawng, rualpi, duhmi, ….) ah thukam ding an har sa theu. Ziangruangah ti le an nih pawl cu thilthu hla pakhat par ih ngaihsak nak cu a mal tukih hmundang ah feh ol, thleng aw ol ruangah a si. Hivek thinlung a hngetkhoh lo tu nunau thawn innsang din ngah a si le thinlung beidawng nak pawl tamzet tong a theih.
- Misual ral nunau
A nih cu a tha lo bik a si. Tawkfangah cun neihawk hlan ah an thei aw lo. Cu ruangah neih awk hlan ah cunu ih a sungkua pawl par, rualpi par, kiangkap pawl parah an pawlkomawk dan pawl kha zinzio cia a tul. Umtlan dan tongkam ah upat tlak zet tu nunau lawngin mai par khal ah upat nak an nei ding asi.
