Veikhat ah hminthang zet mi phunsang tlawngih saya pakhat cu khuate pakhat ah a tlawng. Khua ih a thlen tikah long pakhat a sangih a leng.

Long thawn a feh tikah saya pa in long mawngtu pa kha nang tinchia (Kanan) na thiam maw tiah a st ih ka thiam lo. Physic na thiam maw cu mi khal ka thiam lo” a ti. “Cu a si le computer teh na hmang thiam maw?” a ti. Ka thin nuam lo zet ka hmang thiam lo a ti.

Saya pa cu a lu a thing ih tinchia na thiam lo a si le minung nunram ih thenruk thenhnih na sungding.

Physic na thiam lo a sile minung nunram ih thenruk thenkhat na sung ding.

          Computer na thiam lo a si le minung nungram ih thenruk thenkhat na sung ding. Na nunram ih thenruk thenli cu na sung zo a ti.

          Cuihnu rei lo teah nikhua a thlen aw ih van ah khuadur pawl an kai. Reilo te ah ruah a suar thlang ding. Cutikah long mawngtu cun saya pa cu ti na leuh thiam maw? tin a sut.

          Sayapa cu reilo te sung a um ih ka leuh thiam lo. Veikhat hman ka zir dah lo tin a sim sal.

          Long mawng tu cun a lu a thing ih cu a sile na nunram ih thenruk in na sung ding tin a sim sal.

          Mi pakhat cu mah ih si nak in va tah ding a si lo.

          Mi pakhat kha ziang va siar lo in um hlah. Kei ti mi maitah nak thawn a sual a hman ti in thu then hlah.

          Khi mi pa cu tuah thei nak thluak a nei lo. Asinan a nih cu a dingfel. A tha lo mi a ruat dah lo.

          Himipa cu tongkam a thiam lo. Asinan a nih cu hnatuan a zuam. A dingfel. Mi rinsan lawngin a um lo.

          Keimah ih ka thiam nak kha a neih lo vekin a mah ih thiam nak khal keimah in ka nei lo ti mi kha ziangtik hmantik ah hnilh hlah.

Credit.