Ziangtluk ih thinsau mi si khal le theihthiam saknak a neih tam ahcun thincem ni a nei lai ko ding.

          Ziangtluk ih duh thaimtu asi khal le a pek awknak a tam ih a duh nak le a pek nak a kaihawk lo cun a beidong leh thei.

          Ziangtluk ih tuar thei tu a si khal le a dik khal le a tuar, a sual khal le a tuar, a tuar nak pawl a tamtuk asile voikhat voihnih ah lehrulh duh nak thinlung a neih ni a um lai ding.

          Ziangtlukih thiamtu asi khal le leitlun dan ih den nak pawl a tam tuk si le thanau ni timi a um lai ding.

          Ziangtluk ih lungruh mi asi khal le duh taktak ih tuar ngaingai cun mithli tlak ni timi a nunram ah voikhat voihnih cu a um theu thotho ko ding.

          Ziangtluk ih thinlung tha ih hmaisong thiamtu asi khal le mah in theih nak te thawn a sung pek rero ih neh lo mi thilrit phurh mi a tam tuk cun hmaisong nak pawl kha “sirawk nak” ni timi tla a um thei.

          Ziangtluk ih mi felfai a sikhal le a tlaitluannak kha hman nehsawh ih rero tam cun a thinso ni timi a um thei.

          Ziangtluk ih thulung tu si khal le bum nak pawl a tam tuk cun thulung thei nawn lo ni a ra thleng leh thei.

          Curuangah mai kiangih man hla zet ih kan ret mi minung pawl mai kiang ih sin an tlan ding na duh lo asile a mai lam le mai lam tin ruat sak thiam aw. Mah ruangah an thinlung nat ter hlah aw. Minung timi cu tuar theinak a lan cun a cem tiang beidong in dung a tun thei.

          A lam, mai lam zawn ruat thiam “zawnruat thiam nak” kha neih lawngah mai man hla zet ih kan ret mi minung pawl kha mai kiang ah an um ringring ding asi.

#credit