Thilpakhat parah na tuah palpang tinten zir aw. Buai nak pakhat na ton tinten tawirel daan thiam aw. Harsat nak na ton tinten na thanau hlah. Har nak ti mi cu nuam nak hrangih a hmaisa bik a si.

          Thlisia a cem tikah zilthli nem te a ra lai ding. Leitlun daan kha tuar thei nak neih lawngah nunram cu lam a tluang a si.

          Tlan zuam tu pakhat cu bang tuar thei lo in hlawhtlin nak thleng dingah a tlan thei lo ding.

          Minung nunram khal hivek thotho a si, bangnak kha puhmawh in thlennakih ding ringring sungah a cak a si ti mi “Sabek” kha “Cumkheng” hman in a neh a si si.

          Hmai lam ih minung kha dunglam mi in a man a sile cui minung kha a rang maw? a hmailam ih minung sawn kha a ding saw? Ruah hnik aw.

          Ziang thil a si khal le thiltuah pang ding kha tih hlah, sun ding tih hlah tihnak thinlung kha rem aw.

          Lungput kha sang ah khai ringring aw.

          Nunram kha sangter lawngah a hlawhtlin a si. Khaisang awk a sile na tla ding ralring aw.

          Ziang a si khal le na thanau hlah, na thinnau hlah. Asinan leilungpi cu harsatnak pakhat in pek tinten le buainak pakhat in pek tinten zir nak lak ding hngilh hlah.

          Ziangruangahtile harnak le buainak ti mi cu kan mah minung pawl hrangah cun a cem ti a um lo a si. Casiartu zate parah lungawinak tamp ikan nei. RVA Falam Service a rak thlirtu zate parah Pathian in a hleicee in thlasuahnak lo pe hram seh.